Ali ibn Ridwan

Un article de Wikipèdia, l'enciclopèdia liura.

Abu'l Hasan Ali ibn Ridwan Al-Misri, sovent designat ulteriorament coma Haly o Haly Abenrudian en Euròpa (a l'entorn de 988 - a l'entorn de 1061) foguèt un mètge islamic, tanben astrològ e astronòm egipcian. Aquel erudit èra un comentador de la medecina antica grèga. Estudiava mai que mai los tèxtes de Claudi Galèn, e los comentaris que faguèt d'un dels libres del savi grèc, l'Ars Parva, foguèron revirats per Gerard de Cremòna.

Pr'aquò çò que li portèt notorietat foguèt son observacion detalhada de la supernova qu'es coneguda jol nom de SN 1006, qu'es la descripcion mai completa que se faguèt d'aquel astre, qu'aguèt l'escasença de l'observar en 1006.

Segon l'istorian australian Alistair Cameron Crombie, Ali ibn Ridwan contribusiguèt a la teoria de l'induccion. S'èra tanben engatjat dins una polemica celèbra contra un mètge de Bagdad, Ibn Butlan.