Alh ròse de Lautrèc
L'Alh ròse de Lautrèc es una apellacion contrarotlada que designa una produccion tradicionala d'alh de la région de Lautrèc (Lengadòc).
Aquela produccion gausís dempuèi 1966 du Labèl roge « Alh ròse »[1] e dempuèi lo 12 de junh de 1996 del labèl europèu Denominacion d'Origina Protegida « Alh ròse de Lautrèc »[2].
L'organisme de defensa e de gestion d'aquela denominacion es lo « Sindicat de defensa del Labèl Roge e de la DOP Alh ròse de Lautrèc » que lo sètge es a Lautrèc. L'organisme de certificacion e de contraròtle es la socieatat Qualisud[3].
Caracteristicas del produch
[modificar | Modificar lo còdi]
L'Alh ròse de Lautrèc se caracteriza pels seus grelhs d'un ròse plan marcat, per sa fòrta dormància que permet de prolongar la comercialzacion fins a la prima e per un tanòc rigid que permet de far de manolhas per la presentacion.
Airal geografic
[modificar | Modificar lo còdi]L'airal geografic de produccion de l'Alh ròse de Lautrèc foguèt delimitat prenent en compte las tradicions istoricas de cultura e las caracteristicas del terrador. Compren 88 comunas a l'oèst del departament de Tarn, dins una region de terrens argilo-calcaris, asagats per l'Agot e lo Dadon.
Cultura
[modificar | Modificar lo còdi]Las pèças d'alh son preparadas a la devalada. La plantacion dels grelhs (grans d'alh) se fa en decembre - genièr. La levada se situa pendent febrier. L'alh se desvolopa en una dotzena de fuèlhas. Los principals gastadors de l'alh son de malautiás fongicas. Puèi en junh, un tanòc monta e deu èsser copat per gardar las sèrvas dels bulbs: se fa a la man per cada pè. La culhida se fa tres setmanas aprèp, entre lo 20 de junh e lo 15 julhet. L'alh es de seguida dintrat e penjat jos d'envans perque seque amb l'autan pendent al mens 2 setmanas.
Festenal
[modificar | Modificar lo còdi]Cada annada, dempuèi las annadas 1970, la « fèsta de l'Alh ròse de Lautrèc » se ten cada an, lo primiè divendre del mes d'agost a Lautrèc [4].
Un « marcat de l'alh » se ten à Lautrec cada divendres matin a partir de miègjulhet fins a la fin de l'annada[5].
Nòtas, fonts e referéncias
[modificar | Modificar lo còdi]- ↑ [1] (fr) L'histoire de l'Ail Rose de Lautrec, Syndicat de défense du Label Rouge et de l'IGP Ail rose de Lautrec
- ↑ [2] Reglament (CE) n° 1107/96 de la Comission del 12 de junh de 1996 relatiu a l'enregistrament de las Denominacion d'Origina Protegida; EUR-Lex.
- ↑ INAO [3]
- ↑ [4] (fr) L’histoire de la fête de l’ail; yndicat de défense du Label Rouge et de l'IGP Ail rose de Lautrec.
- ↑ [5] (fr) Économie - les marchés; vila de Lautrèc.