Denominacion d'Origina Protegida

Una Denominacion d'Origina Protegida (DOP) es, segon la reglamentacion de l'Union Europèa, l'indicacion geografica d'una region, localitat o país, que designa un produch agricòla o alimentari originari del luòc en question, la qualitat o caracteristicas que ne son degudas exclusivament o essencialament al mitan geografic ont se produsís compreses los factors naturals e los factors umans. La produccion, l'elaboracion e la transformacion del produch se devon realizar dins la zòna geografica delimitada.

La reglamentacion es similara a la Denominacion d'Origina, mas s'excluson los vins e las bevendas espirituoses, a l'excepcion del vinagre de vin, car an la siá pròpria reglamentacion europèa coma VQPRD e Denominacion Geografica, respectivament. Entre los produches protegits se tròban: de formatges, carn e derivats, fruches, verdugalhs, granatges, pastissariá, òlis e olivas, espècias, mèl e de bevendas non espirituosas.

Autras categorias d'indicacions geograficas ligadas a la DOP son:

• Indicacion Geografica Protegida (IGP), quand solament part de las qualitats son atribuïblas a l'entorn geografic.
• Especialitat Tradicionala Garantida (ETG), quand se garantís un produch o un procès tradicional, mas pas la siá origina.