Equus asinus
(Redirigit dempuèi Ae)
Equus asinus
Ase
| Règne | Animalia |
|---|---|
| Embrancament | Chordata |
| Classa | Mammalia |
| Òrdre | Perissodactyla |
| Familha | Equidae |
| Genre | Equus |
L'ase (var. asne, aine[1], ae, ai, aso, asoòt), Equus asinus, es un animal domestic de la familha dels equids (coma lo caval). Lo pichòt de l'ase es l'asenon.
L'ase es un mamifèr qu'a un pelatge gris amb una linha negra sus l'esquina; se noirís d'èrbas. Servís a portar de causas o a far de randonadas.
La femèla es la sauma.
Noms dialectals
[modificar | Modificar lo còdi]L'ase recèp tanben aqueles noms dialectals:
- borro, harri, saumet en gascon
- borric, saumèl, saumier en lemosin, e probablament borrica e lo diminitiu borriquet coma en lengadocian[Nòta 1]
- borrica en lengadocian amb los diminitius borricòt, borriquet[1]
- mitron (dialècte?)
La sauma recèp tanben lo nom comun borrica e aqueles noms dialectals:
- arruca, aina en gascon
- asnessa, mistra en lemosin, e probablament borrica e lo diminitiu boriqueta[Nòta 2]
- borra en lengadocian
- asena en vivaroalpenc e lo diminitiu saumeta[1]
Provèrbis
[modificar | Modificar lo còdi]- "A fauta de buòu, òm fa laurar l'ase".
- "Cantatz a l'ase, vos farà de pets".
- "Es ase de natura cu non saup legir son escritura".[1]
- "Fa mal siblar a l'ase quand vòl pas beure".
- "L'ase pensa d'un biais e l'asenièr d'un autre".
- "Mai l'ase es magre, mai las moscas lo fiçan".
- "Per la fam l'ase mangèt l'agram".
- "Se lo trabalh fasiá ric, mon ase auriá la barda d'aur"
Nòtas e Referéncias
[modificar | Modificar lo còdi]- ↑ Segon la forma peitavina bourique e son diminitiu bouriquét, es fòrça probable que las formas borrica e boriquet existan en lemosin tanplan coma en lengadocian. Veire lo Dicciounaere poetevin-séntunjhaes > françaes su l'arantéle.
- ↑ Segon la forma peitavina bourique e son diminitiu bouriquéte, es fòrça probable que la forma femenina borrica exitís tanplan en lemosin, amb lo diminitiu boriqueta. Es tanben possible, segon l'atestacion de mitre en peitavin, que mitra es un mot fòrça anciana, de l'occitan ancian del nòrd-oèst d'Aquitània. Veire lo Dicciounaere poetevin-séntunjhaes > françaes su l'arantéle.
- ↑ 1,0 1,1 1,2 et 1,3 https://web.archive.org/web/20220810231621/https://locongres.org/oc/aplicacions/dicodoc-oc/dicodoc-recerca?option=com_dicodoc&view=search&Itemid=168&type=fr-oc&dic%5B%5D=BASIC&dic%5B%5D=RBVD&dic%5B%5D=ALPC&dic%5B%5D=ATAU&dic%5B%5D=PROV&dic%5B%5D=PNST&dic%5B%5D=OMLH&dic%5B%5D=LAUS&dic%5B%5D=LAGA&dic%5B%5D=LEMO&q=%C3%A2ne&q2=&submit=Cercar
