Adele Goldstine

Un article de Wikipèdia, l'enciclopèdia liura.
Anar a : navigacion, Recercar

Adele Goldstine, nascuda Katz (Nòva York, 21 de decembre de 1920 - 24 de novembre de 1964) foguèt una matematiciana e programadora americana. Entrainèt en matematicas sièis de las programadoras que participavan al foncionament de l'ENIAC (Kay McNulty, Betty Jean Jennings, Betty Snyder, Marlyn Wescoff, Fran Bilas e Ruth Lichterman) e n'escriguèt puèi lo manual d'utilizacion. Se maridèt amb Herman Heine Goldstine en 1941. Moriguèt de cancèr en 1964.

Biografia[modificar | modificar la font]

Adele Katz nasquèt en 1920 a Nòva York dins una familha amonedada. Son paire, William Katz, èra un entrepreneire que coneguèt fòrça succès dins lo mond dels afars. Estudièt al Hunter College High School de Nòva York ont obtenguèt son B.A. abans de dintrar a l'Universitat de Michigan. Ailà se diplomèt en matematicas e coneguèt son futur marit, Herman Goldstine. Se maridèron lo 15 de setembre de 1941 a Nòva York. L'an seguent, en 1942, Adele Goldstine integrèt l'Escòla Moore. En 1953 aguèron lor primièr enfant, una dròlla Madlen e puèi en 1960 un dròlle, Jonathan.