Kay McNulty

Un article de Wikipèdia, l'enciclopèdia liura.

Kathleen McNulty Mauchly Antonelli, mai coneguda coma Kay McNulty (Creeslough, Irlanda, 12 de febrièr de 1921Wyndmoor, Pennsilvània, 20 d'abril de 2006) foguèt una programadora irlandoamericana que trabalhèt a la programacion de l'ENIAC, lo primièr ordinador electronic digital.

Biografia[modificar | modificar la font]

Kathleen Rita McNulty nasquèt en 1921 a Creeslough, un vilatjòt situat dins lo Gaeltacht del Comtat de Donegal. La nuèch de sa naissença, son paire, James, qu'èra un oficièr de l'Armada Republicana Irlandesa, foguèt arrestat e empresonat a Derry Gaol ont demorèt durant 2 ans. Qualque temps aprèp que foguèsse liberat, en octobre de 1924, la familha emigrèt cap als Estats Units e s'implantèt en Pennsylvania. Ailà James McNulty creèt una entrepresa de picapeirièr que foncionèt plan. Durant son enfància Kathleen parlava sonque lo gaelic e sabiá pas encara parlar anglés.