Acid fluoridric

Aqueste article es redigit en provençau.
Un article de Wikipèdia, l'enciclopèdia liura.

Solucion comerciala d'acid fluoridric concentrada a 40%.

L'acid fluoridric (simbòl quimic : HF) es una solucion aquosa fòrça corrosiva e fòrça toxica de fluorur d'idrogèn.

En solucion, es un acid feble (pKA = 3,17). D'efèct, maugrat la dissociacion totala de la molecula de fluorur d'idrogèn (HF), l'electronegativitat deis ions fluorurs es tant importanta qu'entraïne lo mantenement d'una liason fòrta entre leis ions H3O+ e F- eissits de la rompedura moleculària. Aquela solucion a de proprietats especialas. En particular, es capabla de dissòuvre lo vèire, çò que necessita l'utilizacion de recipients de tetrafluoroetilèn[1]. Pòu tanben dissòuvre la quasi totalitat deis oxids inorganics e de metaus (levat platin, aur, argent e mercuri). Enfin, dins lo còrs uman, pòu reagir ambé lo calci e lo magnèsi causant de degalhs grèus ais òs, ai nèrvis, ai rens ò encara au còr. Aquela toxicitat entraïna generalament l'adopcion de reglas de seguretat estrictas regardant la manipulacion dei solucions d'acid fluoridric.

Dins aquò, sei proprietats, especialament aquela de dissolucion deis oxids, son pereu fòrça interessantas per l'industria. En particular, es un reactiu important dins mai d'un procès de purificacion de l'urani ò de l'alumini. Es tanben fòrça utilizat en electronica per atacar leis oxids de superficia dau silici ò en petroquimia per catalisar l'alquilacion de l'isobutan e dau butèn.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]

  1. Lo polietilèn ò de polistirèn pòdon s'utilizar ambé lei solucions gaire concentradas.