Achilles (caçaire de carris)
.jpg)
L’Achilles es una version britanica dau caçaire de carris M10 Wolverine utilizada durant la Segonda Guèrra Mondiala. Son desvolopament èra la consequéncia dei limits dau canon originau d'aqueu veïcul còntra lei blindats alemands pus pesucs. Lei Britanics decidèron donc d'installar son canon de 17 liuras per aumentar sa poissança de fuòc. Aperaquí 1 100 exemplaris de M10 foguèron convertits en Achilles. Lei resultats sus lo prat batalhier foguèron positius car permetèt ais Aliats de dispausar d'un caçaire de carris capable de destrurre de destrurre lei Panthers e lei Tigers.
La conversion necessitèt d'adaptar la torèla car lo canon de 17 liuras èra pus lòng e pus pesuc que lo 76,2 mm estatsunidenc. Aquò aguèt doas consequéncias negativas amb una torèla dubèrta e lenta a la manòbra. Aquelei transformacions èran complèxas e lo remplaçament deis Achilles destruchs foguèt ansin malaisat durant tota la guèrra.
Liames intèrnes
[modificar | Modificar lo còdi]- Caçaire de carris.
- Sherman Firefly, version britanica armada dau canon de 17 liuras.
Bibliografia
[modificar | Modificar lo còdi]- (en) John Buckley, British Armour in the Normandy Campaign 1944, Routlegde, 2004.
- (en) Chris Henry, British Anti-tank Artillery 1939-45, Osprey Publishing, 2004.