Acadèmia de la Lenga e de la Literatura Persana
L’Acadèmia de la Lenga e de la Literatura Persana[1] es l'institucion lingüistica encharjaa de la regulacion dau persan e de las lengas d'Iran. Fondaa lo 20 de mai de 1935 per Reza Shah Pahlavi, es basaa a Teheran. Sa mission es de preservar la lenga persana e, durant los ans 1930-1940, luchèt fòrça còntra los emprunts arabis, francés e grècs difusats dins lo país per l'arribaa de tecnologias novelas. Uei, aquela mission continua e l'Acadèmia introdutz frequentament de mots noveus per defugir un emprunt a una lenga estrangiera. Es l'organe lingüistic pus influent per l'estandardizacion dau persan, mas collabora amb sos equivalents afgan e tatgic.