Abadiá de Sant Miquèl de Galhac
 | |||
| Donadas | |||
|---|---|---|---|
| Tipe | Anciana Abadiá | ||
| Dedicat | Miquèl  | ||
| Caracteristicas | |||
| Estil | Romanic | ||
| Localizacion geografica | |||
| Estat | França | ||
| Division territoriala francesa | França metropolitana | ||
| Region francesa | Occitània | ||
| Departament | Tarn | ||
| Comuna francesa | Galhac | ||
 | |||
| Format per | glèisa Sant Miquèl de Galhac | ||
| monument istoric inscrit (1994) | |||
| Activitat | |||
| |||
L'abadiá de Sant Miquel de Galhac es una anciana abadiá benedictina.
Origina
[modificar | Modificar lo còdi]Foguèt fondada en 972[1], quand l'avesque d'Albi configuèt un domeni als benedictins per que i fondèsson una abadiá. S'installèt sus las ribas de Tarn sus de tèrras que foguèron ocupadas dins l'Antiquitat per una villa galloromana.
Desvolopament e edat astrada
[modificar | Modificar lo còdi]Lo terren foguèt desbosigat e avalorat. En primièr amb de culturas alimentàrias puèi lèu la vinha ja plantada pels Romans ne fa un vam important. Un pòrt foguèt creat sus Tarn per exportar lo vin cap a Bordèu. Lo domeni dels monges es pauc tocat per la politica de la tèrra brutlada menada pendent la crosada contra los Albigeses al contrari dels bens del comte Raimon VI de Tolosa. La patz de retorn, lo comèrci del vin recomencèt. Sos revenguts permetèron de tornar bastir en partida de l'abadiá en 1273. En 1524, foguèt secularizada, un capitòli de canonges remplacèt la comunautat, mas lo titre abadial foguèt conservat.
Decadéncia
[modificar | Modificar lo còdi]La guèrra de Cent Ans puèi l'epidemia de pèsta negra arroïnèron la vila: perdèt la mitat de sa populacion e le comèrci del vin s'arrestèt. Entre 1562 e 1572, pendent las guèrras de religion la vila patiguèt dels combats entre catolics e protestants[2]. S'acabèron en 1572 per un chaple de protestants. Aqueles darrièrs foguèron getats per las fenèstras de l'abadiá e tuats dins lo Tarn par de batelièrs.
Segonda edat astada
[modificar | Modificar lo còdi]L'abadiá foguèt tornada bastida e decorada entre 1570 e 1620. Amb lo comèrci del vin e lo vam de la cultura del pastèl, l'abadiá tornèt al vam.
Fin de l'epòca eclesiastica
[modificar | Modificar lo còdi]Lo domeni se vendèt coma ben nacional pels revolucionaris a partir de 1789.
L'abadiá al sègle XXI
[modificar | Modificar lo còdi]- Glèisa abadiala: la glèisa de Sant Miquel es lo sèti d'una parròquia de Galhac
- Clastras: cort que materializa la plaça de las ancianas clastras.
- Bastiments de l'anciana abadiá: foguèron restaurats. Abrigan un musèu[3] sus l'arqueologia, la navigacion sul Tarn, lo vinhal, lo companhonatge, e las tradicions e arts popularas, l'ostal dels vins de galhac e un cavòt de tastar[4].
Nòtas e referéncias
[modificar | Modificar lo còdi]- ↑ 1vo(fr)[1] GAILLAC, Grand Vin du Sud-Ouest
- ↑ 2vo (fr)[2] De la croisade des albigeois à la déchirure des guerres de religion, Site oficial de la vila de Galhac
- ↑ 3vo (fr)[3] Musée de l'abbaye, Site oficial de la vila de Galhac
- ↑ id 1vo
Annèxes
[modificar | Modificar lo còdi]Articles connèxes
[modificar | Modificar lo còdi]- Tarn (departament)
- Vila de Galhac e vinhal de Galhac.
Ligams extèrnes
[modificar | Modificar lo còdi]- (fr)Site de la vila de Galhac.
