Wangari Maathai

Un article de Wikipèdia, l'enciclopèdia liura.
Anar a : navigacion, Recercar
Wangari Muta Maathai
Wangari Maathai in Nairobi.jpg
Profession: activista politica e ecologista
País: Flag of Kenya.svg Kenya
Data de naissença: 1èr d'abril de 1940
Luòc de naissença: Nyieri, Kenya
Data de decès: 25 de setembre de 2011
Luòc de decès: Nairobi, Kenya
Medalha prèmi Nobel

Wangari Muta Maathai (Nyieri, Kenya, 1èr d'abril de 1940 - Nairobi, Kenya, 25 de setembre de 2011) èra una activista politica e ecologista kenyana, de l'etnia kikuyu. En 2004 recebèt lo Prèmi Nobel de la Patz per « las seunas contribucions al Desvolopament sostenible, a la democracia e a la patz ». Foguèt la primièra femna africana que recebèt aquel titre. La doctora Maathai èra membre elegida al parlament e ministra de l'environament e de las Ressorsas Naturalas dins lo govèrn presidit per Mwai Kibaki.

Activisme e vida politica[modificar | modificar la font]

En 1977, Maathai fondèt lo Green Belt Movement (o Movement de la Cencha Verda), una mena de lobby ecologista responsable de la plantacion de mai de 30 milions d'arbres per tot lo país per evitar l'erosion del sòl, e per melhorar la qualitat de vida de las femnas que los plantavan. Per aquò recebèt l'escais afectuós de Tree Woman (o Femna Arbre). Après venguèt una femna fòrça activa suls subjèctes environamentals e en favor de las femnas.

Lo 25 de setembre moriguèt a l'espital de Nairobi après una luta prolongada contra un càncer.

Prèmi Nobel de la Patz[modificar | modificar la font]

« Maathai se quilhèt amb coratge fàcia a l'ancian regim opressiu de Kenya », diguèt lo Comitat Nobel norvegian a la lectura de la proclamacion del prèmi Nobel de la Patz de 2004. « Sos biaises d'accion unics contribuguèron a traire l'atencion sus l'opression politica, al nacional e a l'internacional. Foguèt una font d'inspiracion fòrta per fòrça dins la lucha pels dreches democratics e especialament encoratgèt las femnas a melhorar la seuna situacion ».

Controvèrsia

Maathai faguèt controvèrsia dins los medias quand, dins la conferéncia de pressa que seguèt a l'anoncia del prèmi, suggeriguèt que lo virus VIH responsable del SIDA èra lo produch de l'engenhariá genetica e que mai tard foguèt liberat en Africa per d'investigadors occidentals non identificats coma una arma de destruccion massiva per « punir los negres ». Pasmens, sonque una pichona minoritat aderiguèt a aquela teoria conspirativa del sida, qu'es pas l'unica. Dempuèi atenuèt la seuna postura.

Prèmis[modificar | modificar la font]

Li autrejèron los prèmis:

Bibliografia[modificar | modificar la font]

  • Wangari Maathai, Bottom is Heavy Too: Edinburgh Medal Lecture, Edinburgh University Press, Edimborg, 1994
  • Wangari Maathai, The Canopy of Hope: My Life Campaigning for Africa, Women, and the Environment, Lantern Books, Nòva York, 2002
  • Wangari Maathai, The Greenbelt Movement: Sharing the Approach and the Experience, Lantern Books, Nòva York, 2003

Referéncias[modificar | modificar la font]

Ligams extèrnes[modificar | modificar la font]