Vanessa Paradis

Un article de Wikipèdia, l'enciclopèdia liura.
Anar a : navigacion, Recercar

Vanessa Paradis (nascuda lo 22 de decembre de 1972 a Saint-Maur-des-Fossés) es una actritz e cantaira francesa.

Familha e amor[modificar | modificar la font]

Es la sòr de l'actritz francesa Alysson Paradis e la neboda de l'actor Didier Pain.

Foguèt la nòvia del cantaire Florent Pagny e del cantaire Lenny Kravitz, mas dempuèi 1998 viu amb l'actor Johnny Depp. An dos mainatges : Lily-Rose Melody (nascuda lo 27 de mai de 1999) e Jack John Christopher III (nascut lo 9 d'abrial de 2002). Demòran entre França e los Estats Units. An un ostal en França, un ostal a Hollywood e una isla dins las Bahamas.

La cançon[modificar | modificar la font]

Lo primièr còp que cantèt en public foguèt lo 3 de mai de 1981 dins l'emission de television L'école des fans qu'animava Jacques Martin. Cantèt Émilie Jolie, cançon extracha del conte musical de Philippe Chatel.

En 1985, cantèt la cançon La magie des surprises-parties. Aqueste "45 tours" capitèt pas.

En 1987, sa carrièra comencèt vertadierament amb la cançon Joe le taxi d'Étienne Roda-Gil. Als 14 ans, Vanessa Paradis foguèt al cap del Top 50 pendent 11 sematnas.

En 1990, Serge Gainsbourg li compausèt l'album Variations sur le même t'aime.

En 1992, anèt als Estats Units ont trabalhèt amb Lenny Kravitz qui compausèt un album qui s'apelava Vanessa Paradis. La jovena Vanessa cantèt en anglés pel primièr còp e capitèt. Faguèt fòrça concèrts, dont dètz a l'Olympia.

En 2000, faguèt l'album Bliss.

En 2007, sortiguèt son 5en album, Divinidylle, realizat amb -M- (Matthieu Chedid).

En 2009, sortiguèt son 1e album best of amb 3 novas cancons.

Discografia[modificar | modificar la font]

Lo cinèma[modificar | modificar la font]

En 1989, Vanessa Paradis joguèt lo ròtle de Mathilde dins lo filme Noce blanche de Jean-Claude Brisseau, ont Mathilde es una filha drogada qu'aima son professor de filosofia. Ganhèt lo César du meilleur espoir féminin e lo Prix Romy Schneider.

En 1991, faguèt la publicitat pel perfum Coco de Chanel.

En 1994, joguèt lo filme Élisa amb Gérard Depardieu. Es l'istòria d'una filha que cèrca son paire. Lo filme es un omenatge a Serge Gainsbourg, mòrt tres annadas abans, e qu'aviá escricha la cançon Élisa.

Filmografia[modificar | modificar la font]

Ligams extèrnes[modificar | modificar la font]