Tractat de Reassegurença

Un article de Wikipèdia, l'enciclopèdia liura.
Lo Tractat de Reassegurença dins lo quadre dau sistèma de Bismarck.

Lo Tractat de Reassegurença es un tractat internacionau signat lo 18 de junh de 1887 entre Alemanha e Russia. Conclut a l'iniciativa dau cancelier alemand Otto von Bismarck, aviá per objectiu de mantenir l'isolament diplomatic de França e de redurre lei tensions en Euròpa Orientala entre Russia e Àustria-Ongria. Lo tsar èra maucontenent de la violacion dau « sistèma dei tres emperaires » conclut en 1881 entre Berlin, Sant Petersborg e Viena que prevesián un mantenement dau statu quo dins lei Balcans. D'efiech, leis Austrians avián sostengut lei movements antirus en Bulgaria e una partida de l'elèit rus èra a estudiar la possibilitat d'una aliança amb França. En cambi de l'abandon d'aqueu projècte, Bismarck acceptèt de sostenir diplomaticament la posicion dins lei Balcans. Leis acòrdis de neutralitat de 1881 foguèron tanben renovelats.

Aquel acòrdi permetèt a Bismarck d'empachar la formacion d'una aliança francorussa. Pasmens, entraïnèt de tensions importantas entre lei canceliers e lei mitans pangermanistas encoratjats per lo futur Guilhèm II. Favorizèt donc la demission ulteriora dau cancelier en 1890.

Liames intèrnes[modificar | Modificar lo còdi]

Bibliografia[modificar | Modificar lo còdi]

  • (en) George Frost Kennan, The Decline of Bismarck's European Order, Princeton Universitu Press, 1981.

Nòtas e referéncias[modificar | Modificar lo còdi]