Tractat de Neuilly
Lo Tractat de Neuilly es un tractat signat lo 27 de novembre de 1919 a Neuilly-sur-Seine. Fa partida dei tractats de patz que marcan la fin de la Premiera Guèrra Mondiala (1914-1918). Definís lo reglament dau conflicte entre leis Aliats e Bulgaria. Sei clausas principalas enterinèron la pèrda de plusors territòris per Sòfia :
- a l'oèst, lei districtes de Strumica, de Tsaribrod, de Timok e de Bosilegrad foguèt annexats per Iogoslavia.
- au nòrd-èst, la Dobrodja dau Sud venguèt tornarmai romanesa.
- au sud, Grècia recebèt la màger part de la Tràcia Occidentala entraïnant la disparicion de l'accès bulgar a la Mar Egèa.
En mai d'aquò, Bulgaria deguèt pagar una indemnitat de guèrra de dos miliards de francs aur. Pasmens, aquela sòma èra tròp importanta per lei possibilitats economicas dau país e foguèt pus tard reducha. Enfin, lei fòrças militaras bulgaras èran limitadas.
Lo tractat de Neuilly foguèt una catastròfa per Bulgaria en causa de l'arribada de 250 000 refugiats que quitèron lei regions perdudas. Aquò alimentèt un sentiment reviosionista fòrt e causèt de trèbols recurrents durant l'entre doas guèrras. Finalament, Bulgaria jonhèt Alemanha durant la Segonda Guèrra Mondiala per reconquistar lei territòris perduts.
Liames intèrnes[modificar | Modificar lo còdi]
Bibliografia[modificar | Modificar lo còdi]
- (fr) Jean Lopez, « Le traité de Neuilly », Science & Vie : Guerres & Histoire, novembre de 2018, p. 37.