Sistèma semipresidencial

Un article de Wikipèdia, l'enciclopèdia liura.
Anar a : navigacion, Recercar
En jaune: los Estats amb un sistèma semipresidencial

Lo sistèma semipresidencial es un sistèma d'organizacion politica parlamentària ont lo primièr ministre e lo president son participants actius de las foncions correntas del govèrn. Se diferencia del sistèma parlamentari pel fach que lo president es elegit per vòte popular e es pas solament una figura representativa ceremoniala. Se diferencia del sistèma presidencial pel fach qu'existís lo concèpte de primièr ministre, lo qu'a de responsabilitats davant la branca legislativa del govèrn.

Lo president e lo primièr ministre se devesisson lors poders d'un biais distincte dins cada país qu'utiliza aquela forma d'organizacion politica. Per exemple, en França, lo president es responsable dels Afars Estrangièrs e lo primièr ministre de las questions nacionalas. Mas, la division dels poders entre lo primièr ministre e lo president es pas mencionada dins la constitucion, mas evolucionèt coma convencion politica e segon la personalitat del president. Per contra, en Finlàndia, lo sistèma politic se diferencia del sistèma francés : la division dels poders es clarament exprimida dins la constitucion : "las politicas estrangièras son dirigidas pel president en cooperacion amb lo cabinet".

Los sistèmas semipresidencials pòdon aver de periòdes de coabitacion, quand lo primièr ministre e lo president son elegits d'un biais separat e que son de partits rivals. Aquò permet la creacion d'un sistèma efectiu de verificacion e balança comun dins lo sistèma presidencial. Malgrat aquò, tanben pòt crear una tension politica fòrta entre los dos partits dins l'exercici del poder.

Qualques estats amb de sistèmas semipresidencials :

Àustria e Irlanda, segon lors constitucions, autrejan gaireben mai poders als presidents. Mas los presidents, per tradicion, los utilizan pas, e foncionan de facto coma de sistèmas parlamentaris.

Vejatz tanben[modificar | modificar la font]