Polyergus rufescens
Polyergus rufescens (Latreille, 1798) es una espècia de formiga esclavagista obligatòria dau genre Formica.
Es una formiga mejana (5-7 mm) que seis obrieras son de color roja unifòrma. An de mandibulas caracteristicas que son fòrça talhentas amb una forma de volame. Son unicament destinadas au combat e leis obrieras Polyergus rufescens son incapablas de cumplir leis activitats normalas d'un formiguier sensa l'ajuda de formigas esclavas. Aqueleis esclavas son eissidas de larvas generalament rabalhadas dins lo corrent d'incursions organizadas còntra de formiguiers dau sota-genre Serviformica. Après sa naissença, la formiga esclava va aprendre l'odor caracteristica de son formiguier novèu coma la sieuna. Durant certaneis incursions, una rèina jova de Polyergus rufescens pòu tanben assaiar de tuar e de remplaçar la rèina dau formiguier buta de l'ataca.
Lei formiguiers de Polyergus rufescens son donc generalament installadas dins d'endrechs umids similars ai condicions de vida dei Serviformica e pòdon tenir mai que d'una espècia d'esclavas. En Occitània, se pòu trobar sus tot lo territòri mai es mens frequenta dins lei Pirenèus e lei regions mediterranèas.