Pitcairn

Un article de Wikipèdia, l'enciclopèdia liura.
Anar a : navigacion, Recercar
Pitcairn Island Group
Flag of the Pitcairn Islands.svg Coat of arms of the Pitcairn Islands.svg
Devisa : Come Ye Bless
Lenga oficiala anglés
Lenga regionala pitkern
capitala Adamstown
Monarca Elisabeta II
Governador Jonathan W.R. Sinclair
Cònsol Shawn Christian
Superfícia 47 km²
Populacion
 - Totala (2011)
 - Densitat
 
54
1,27 ab./km²
Moneda Dolar neozelandés
Fus orari TU -8
Còde de país ISO 3166 PN / PCN / 612
Domeni d'Internet .pn
Indicatiu telefonic +64
Localizacion
Pitcairn Islands in United Kingdom.svg

Las illas de Pitcairn (oficialament, Grop d’illas de Pitcairn) son un territòri d'otramar dau Reiaume Unit situat dins l’Ocean Pacific.

La capitala es Adamstown.

Lo gentilici es pitquernian -a.

Lo territòri es compausat de quatre illas, que sola Pitcairn es poblada:

  • Pitcairn
  • Ducie
  • Henderson
  • Oeno

Istòria[modificar | modificar la font]

Colonizada pels polinesians (dins lo folclòre mangarevian es coneguda coma Mata-ki-te-Rangi o Heragi), puèi abandonada, l’illa de Pitcairn foguèt redescobèrta e nomenada lo 2 de julhet de 1767 pel capitani anglés Philip Carteret.

Lo 23 de genièr de 1790, los mutins de la nau Bounty s’i installèron amb las femnas polinesianas.

Lo 6 de febrièr de 1808, la nau americana Topaz del capitani Mayhew Folger torna descurbir l’illa.

En 1831 los abitants foguèron deportats a Taïti. Foguèron decimats per las malautiás, e tornèron dins l’illa.

Lo 29 de novembre de 1838 l’illa venguèt un protectorat britanic.

Una segonda deportacion se faguèt en 1856 dins l’illa de Norfolk, mas tre 1857 una part dels pitquernés tornèron. Lo pòble pitquernés demòra uèi partit entre las doas illas.

Lo 16 de setembre de 1887, Pitcairn venguèt una colonia anglesa, administrada dempuèi Fiji.

En 1937 la populacion es de 233 abitants, lo maximum enregistrat.

En 1938 li foguèron annexadas las autras tres illas. Lo 10 d’octobre de 1970 venguèt una colonia a despart.

Dempuèi la segonda mitat del sègle XX, l’illa coneis una emigracion importanta cap a Nòva Zelanda e se demandan ara se serà pas rapidament despoblada.

Politica e administracion[modificar | modificar la font]

Territòri d’otramar britanic, l’illa es administrada per un governador qu’es a l’encòp comissari del Reialme Unit en Nòva Zelanda. Localament, la foncion de magistrat en cap foguèt abolida en 1999. Dempuèi, es un cònsol es elegit cada 3 ans.