Pierre Cohen
|
||||||||||||
|---|---|---|---|---|---|---|---|---|---|---|---|---|
 |
||||||||||||
| Parlamentari francés | ||||||||||||
| Naissença | 20 de març de 1950 | |||||||||||
| Decès | ||||||||||||
| Mandat | {{{mandat}}} | |||||||||||
| Començament del mandat | {{{començament del mandat}}} | |||||||||||
| Fin del mandat | {{{fin del mandat}}} | |||||||||||
| Circonscripcion | tresena circonscripcion de Nauta Garona | |||||||||||
| Grop parlamentari | Socialista, radical, ciutadan e divèrs esquèrra | |||||||||||
Pierre Cohen es un òme politic francés, nascut lo 20 de març 1950 a Bizèrta (Tunisia), deputat-cònsol socialista de Tolosa dempuèi 2008.
Somari |
Biografia [modificar]
Filh d'una catolica francesa e d'un militar josieu tunisian[1], que seguiguèt en Alemanha en 1958 puèi a Masamet en 1964, Pierre Cohen obtenguèt, aprèp son bac en 1968, un doctorat en informatica a l'universitat Paul Sabatier, e venguèt engenhaire de recèrca en informatica a l'IRIT, fins a sa demission en 1997[2].
Membre del Partit Socialista en 1974, milita al sen del CERES. Elegit municipal a Ramonvila e Sant Anha en 1983, d'en primièr, es encargat de la pichona enfància abans de ne venir cònsol màger en 1989. Conselhièr regional entre 1986 e 1992, se met en vacança del Partit Socialista un temps aprèp l'entrada de França dins la Guèrra en Iraq. Vòta apuèi « non » al referendum sul Tractat de Maastricht, mas rejonh pas Jean-Pierre Chevènement al Movement dels Ciutadans, e se rapròcha de Lionel Jospin en 1995[2].
Implicat dins las politicas de prevencions al GIP e al CISPD, tanben es a l'origina del Festenal de carrièra de Ramonvila. Es elegit deputat en 1997 dins la 3ena circonscripcion de Nauta Garona. Implicat fòrtament dins las Assisas de la Recèrca, tanben es membre de las instàncias nacionalas del Partit Socialista ont trabalha sul servici public.
Reelegit deputat per un tresen mandat legislatiu lo 17 de junh de 2007, fàcia a la candidata UMP Marie-Claire Danen, es vicepresident de l'Ofici Parlamentari d'Avaloracion de las Causidas Scientificas e Tecnologicas e membre de la Comission dels Afars Economics, de l'Environament e del Territòri[3].
Lo 16 de març de 2008, al cap d'una lista unitària de l'esquèrra (PS, PCF, MRC, PRG, Verds), davança al segond torn de las municipalas lo cònsol sortent Jean-Luc Moudenc (50,42 % contra 49,58 %[4]).
Mandats [modificar]
Mandats e responsabilitats actualas [modificar]
- Elegit cònsol de Tolosa lo 21 de març de 2008[5]
- Reelegit lo 17 de junh de 2007 : deputat de la Tresena circonscripcion de Nauta Garona.
- President de la Comunautat d'aglomeracion del Grand Tolosa
- Vicepresident del GIP contracte de vila e membre del Sindicat mixte d’estudis de l’Aglomeracion Tolosenca.
- President de la Comission Territoriala del Canal d'Entre doas mars.
- Membre del Conselh de las collectivitats territorialas pel Desvolopament cultural al sen de l’associacion «Vilas e Banlègas».
Mandats escasuts [modificar]
- 06/03/1983 - 12/03/1989 : membre del conselh municipal de Ramonvila e Sant Anha
- 17/03/1986 - 22/03/1992 : membre del Conselh regional de Miègjorn-Pirenèus
- 20/03/1989 - 18/06/1995 : cònsol de Ramonvila e Sant Anha
- 25/06/1995 - 18/03/2001 : cònsol de Ramonvila e Sant Anha
- 01/06/1997 - 18/06/2002 : deputat
- 18/03/2001 - 16/03/2008 : cònsol de Ramonvila e Sant Anha
- 19/06/2002 - 19/06/2007 : deputat
- Membre de la Comunautat d'aglomeracion de Tolosa Sud-Èst (Sicoval).
Font [modificar]
- Notice biographique, Who's Who in France
Nòtas e referéncias [modificar]
- ↑ Sébastien Marti, « Pierre Cohen, le candidat PS côté cœur », La Dépêche du Midi, 2 de genièr de 2008
- ↑ 2,0 2,1 Yves Bordenave, « Pierre Cohen : le sérieux fait maire, Le Monde, 18 de març de 2008
- ↑ Ficha sul sit de l'Assemblada nacionala
- ↑ (fr) Resultats de las eleccions municipalas de 2008 a Tolosa sul sit oficial del Ministèri de l'Interior
- ↑ La lista de Pierre Cohen es estada elegida lo 16 de març de 2008, mas Pierre Cohen es estat oficialament elegit cònsol pel conselh municipal del 21 de març de 2008.
Vejatz tanben [modificar]
Articles connèxes [modificar]
Ligams extèrnes [modificar]
- Ficha sul sit de l'Assemblada Nacionala
