Personalitat politica

Fotografia que moastra lei delegats dau Grope dei 20 (G20) au moment dau rescoantre que si tenèt a Londres lo 2 d'abriu de 2009.

Una personalitat politica es una persona que s'implica dins la vida politica. Tanben s'utiliza mai d'un sinonime, coma frema politica, òme politic, o familiarament politic. Tanben s'utiliza correntament lei mòts politician e politiciana, mai poadon presentar una connotacion pejorativa. D'éfèct, de còups s'utiliza per parlar de quauqu'un que viu ren que de sei foncions politicas e fa pròva d'una gròssa abiletat per leis intrigas de la vida politica.

L'expression "frema politica" es mai recenta, que longtemps siguèt estat leis òmes qu'exercissèron la màger part dei foncions politicas, d'un biais exclusiu o non. De mesuras talas que la paritat an per objectiu de far evoluir aquela situacion. Au moment que la personalitat politica exercisse lei foncions executivas mai autas, si reconeis coma un òme, o frema d'Estat.