Minho (flum)

Un article de Wikipèdia, l'enciclopèdia liura.
Minho
(Minho (pt) Miño (es) (gl))
Pont sul Minho a Vila Nova de Cerveira, en Portugal.
Pont sul Minho a Vila Nova de Cerveira, en Portugal.
Caracteristicas
Longor 340 km
Bacin 16 000 km2
Bacin collector Minho
Debit mejan 340 m3⋅s-1 (boca)
Riu
Font Pedregal d'Irimia
S'escampa dins l'ocean Atlantic
Geografia
Païses traversats Bandièra: PortugalPortugal, Bandièra d'Espanha Espanha

Minho (en portugués) o Miño (en castelhan e en galèc) es un flum del Nòrd-Oèst d'Espanha e del Nòrd de Portugal que passa per las províncias galicianas de Lugo, Ourense e Pontevedra e portuguesas de Minho.

Sa longor es de prèp de 310 km sus un bacin de 12 486 km². Es navigable suls 33 darrièrs quilomètres.

Geografia[modificar | Modificar lo còdi]

Long de 310 km environ, Minho constituís la frontièra entre Espanha e Portugal, dempuèi Melgaço fins a Caminha, sus une longor de 76 km. Miño castelhan e galèc, e Minho portugués venon ambedós del latin Minius.

La font de Minho se trapa a gaireben 50 km al nòrd de Lugo en Galícia a 695 mètres d'altitud, dans un luòc nomenat Pedregal d'Irimia. Lo flum passa al ras sud de las muralhas de la vièlha vila romana e va cap al sud per las gòrjas fins que la val venga mai larga al nòrd d'Ourense. Son cors superior es classat "resèrva de la biosfèra". Passa al pè de Portomarín ont travèrsa l'itinerari modèrne del Camin francés de Sant Jaume.

A Peares (vint quilomètres al nòrd d'Ourense), recep las aigas de son afluent principal, Sil. Passat Ourense, lo flum va cap al sud-oèst fins a aténher la frontièra portuguesa prèp de Melgaço.

La val es una zona agricòla astrada e verda ont cada mètre carrat de tèrra es utlizat per produire milh, trufa, caulet, o de pasturas.

Lo flum s'escampa dins l'Ocean Atlantic entre A Guarda (Pontevedra) e Caminha.

Restancas[modificar | Modificar lo còdi]

Afluents principals[modificar | Modificar lo còdi]

Idrometria - Los debits mesadièrs a Foz do Mouro[modificar | Modificar lo còdi]

Lo debit de Minho foguèt observat pendent 9 ans (1976-1984), a Foz do Mouro, localitat situada en Portugal, prèp de la boca dins l'ocean [1].

Minho es un flum abondant. Lo debit mejan interannal a Foz do Mouro es de 313 m³/s per une superfícia presa en compte de 15 457 km2, o gaireben tot lo bacin versant del flum.

Minho presenta de variacions sasonièras de debit relativament grandas. Las aigas nautas son en ivèrn, de decembre a març (amb un maximum en febrièr), e se caracterizan per de debits mesadièrs mejans anant de 435 a 669 m³/s. A la fin de març, lo debit demenís progressivament e las aigas bassas son en estiu de julh a setembre, amb una baissa del debit mesadièr mejan de 105 m³ en agost, çò que demora fòrt consistissent.

Fotografias[modificar | Modificar lo còdi]


Referéncias[modificar | Modificar lo còdi]

  1. Unesco - Lo Minho a Foz do Mouro