Lac Balqash
|
||||||||||||
|---|---|---|---|---|---|---|---|---|---|---|---|---|
 |
||||||||||||
| Administracion | ||||||||||||
| País | Cazacstan | |||||||||||
| Geografia | ||||||||||||
| Latitud Longitud |
||||||||||||
| Tipe | Lac endoreïc | |||||||||||
| Superfícia | 18 200 km² | |||||||||||
| Altitud | 341,4 m | |||||||||||
| Prigondor | 5,8 m | |||||||||||
| Idrografia | ||||||||||||
| Bacin idrografic | 413 000 km² | |||||||||||
| Emissari(s) | ges | |||||||||||
Lo lac Balqash[1] (Балқаш Көлі, Balqash Köli en cazac; Озеро Балхаш, Ozero Balkhash en rus) es lo lac màger de Cazacstan e lo premier d'Asia Centrala, dempuei l'assecament d'una gròssa part de la mar d'Aral.
Somari |
Geografia[modificar]
Lo lac Balqash es situat au sud-èst dau país, au nòrd de la ciutat d'Almaty, a una altitud de 341 m. Mesura mai de 600 km de longor e sa largor es compresa entre 4,5 km e 70 km. Amb una superfícia que fa aproximativament 18 200 km2, contèn aperaquí 106 km3 d'aiga. Pasmens, sa talha varia de contúnia. La fonsor maximala passa pas 25,6 m e la fonsor mejana es ren que de 5,8 m. La partida orientala es sensiblament pus fonsa que la partida occidentala. Son bacin idrografic s'estend subre 413 000 km2 e fa partida dau vast bacin centreasiatic que compren tanben la mar Caspiana e la mar d'Aral.
De sei sèt afluents, lo principau es lo riu d'Ili, que pren sorgent dins lei montanhas de la region autonòma chinesa de Xinjiang; venent dau sud, se trai dins lo lac per un dèlta près de son extremitat occidentala. A passat temps, fornissiá mai de 80% de l'aiga escampada dins lo Balqash. Ara sa contribucion s'es reducha, en causa de la centrala idroelectrica de Kapshagai (bastida dins leis annadas 1970) e de l'irrigacion.
Es de notar que i a pas d'emissari: lo lac es endoreïc (lei pèrdas naturalas d'aiga son degudas unicament a l'evaporacion).
Au centre dau lac, un estrech lo parteja en doas mitats. Mentre que la partida occidentala contèn d'aiga doça, lo percentatge de sau creis fins a 7 % vèrs l'èst.
De lòng dei ribas, que sa longor totala es d'aperaquí 2400 km, se tròban d'illas e de peninsulas nombrosas. Lo lac es envoutat subretot de desèrts e d'estèpas.
Lo clima de la region es netament continentau e arid amb d'estius cauds, d'ivèrns fregs (en generau, lo lac es gelat de novembre a abriu) e ben gaire de precipitacions (solament 150 mm a 200 mm per an).
La vila omonima, la màger de la region (87 000 abitants) foguèt fondada en 1937 sus la riba nòrd.
Ecologia[modificar]
Coma la mar d'Aral, lo lac Balqash a fortament demenit pendent lei decennis passats; en 1910, sa superfícia èra encara de 23 464 km2. De mai, es menaçat per una pollucion sevèra en causa de complèxes industriaus installats sus sei ribas.
Istòria[modificar]
Sota la dinastia Qing, lo lac Balqash constituissiá la frontiera nòrd-oèst de l'Empèri Chinés. Pasmens après 1871, tota la region intrèt dins l'esfèra d'influéncia russa.
Galariá[modificar]
Vejatz tanben[modificar]
- Riu d'Ili (l'afluent principau dau Lac Balqash)
Liames extèrnes[modificar]
Nòtas e referéncias[modificar]
- ↑ De pas confondre amb lo Lac Baikal.
