Hillary Rodham Clinton

Un article de Wikipèdia, l'enciclopèdia liura.
Anar a : navigacion, Recercar
Hillary Clinton en 2006
Chelsea, Hillary e Bill Clinton

Hillary Diane Rodham Clinton (nascuda lo 26 d'octòbre de 1947 a Chicago, Illinois) es una avocata e una femna politica americana membre del Parti Democrata. Es la femna de Bill Clinton.

Los començaments[modificar | modificar la font]

Son paire èra republican e sa maire democrata. A dos fraires : Hugh e Tony. En 1962, a 15 ans, vegèt Martin Luther King Jr a Chicago. En 1964, a 17 ans, trabalhèt per la campanha presidenciala del senator republican d'Arizòna, Barry Goldwater. En 1968, participèt a la la campanha presidenciala del republican Nelson Rockefeller, mas los republicans decidiguèron que lo candidat deviá èsser Richard Nixon, e aquò agradèt pas a Hillary. Estudièt las sciéncias politicas a l'Universitat Wellesley ont foguèt la presidenta dels estudiants republicans. Escriguèt son memòri sobre Saul Alinsky. En 1969, entrèt a l'Universitat de Yale per estudiar lo drech e i rencontrèt Bill Clinton que seriá son marit. Lo seguiguèt en Arkansas ont foguèt professora de drech a l'Universitat e avocata en cò de "Rose Law Firm" en 1976. Se maridèron en 1975 e aguèron una filha, Chelsea, en 1980. En 1978, lo president Jimmy Carter la nomèt al Conselh de la Legal Services Corporation.

La presidéncia de Bill Clinton (1993-2001)[modificar | modificar la font]

Foguèt la primièra dòna dels Estats Units de 1993 a 2001 coma esposa del President Bill Clinton.

Dempuèi 2001[modificar | modificar la font]

Es senatora de Nòva York al Congrès dels Estats Units dempuèi 2000. Le 20 de genièr de 2007, declarèt sa candidatura a l'investitura democrata per l'eleccion presidenciala americana de 2008. Lo 3 de junh de 2008 declarèt qu'èra pas pus candidata. Lo candidat democrata es Barack Obama e lo candidat pel Partit Republican per l'eleccion presidenciala americana de 2008 es John Mc Cain.