Partit Democrata (Estats Units)

Un article de Wikipèdia, l'enciclopèdia liura.
Anar a : navigacion, Recercar
Pagina d'ajuda sus l'omonimia Pels articles omonims, vejatz Partit Democrata.
L'ase es lo simbòl del Partit Democrata

Lo Partit Democrata es un partit politic american. Es eissit del Partit Democrata-Republican fondat per Thomas Jefferson en 1793.

Es a l'origina un partit reaccionari e antifederalista que va evoluar cap a un partit de centre-esquèrra a partir de las annadas 1890 per essèr ara un partit de centre.

Al sègle XX, sèt presidents americans èran eissits del Partit Democrata : Woodrow Wilson (1913-1921), Franklin Delano Roosevelt (1933-1945), Harry Truman (1945-1951), John Fitzgerald Kennedy (1961-1963), Lyndon Johnson (1963-1969), Jimmy Carter (1977-1981) e Bill Clinton (1993-2001).

Localament, lo Partit Democrata demòra sovent conservator e pròche de son adversari republican, particularament dins l'oèst, lo centre e lo sud del país. Al contrari, certanas brancas del Partit Democrata, principalament dins la region de San Francisco en Califòrnia, dins lo Puget Sound (Seattle e lo comtat de King dins l'Estat de Washington, lo centre d'Oregon) e l'oèst dels Grands Lacs (Minnesòta e Wisconsin) son mai a l'esquèrra.

Lo Partit Democrata dispausa tradicionalament del sosten dels obrièrs, dels sindicats, dels salariats, de la majoritat de las professions intellectualas (professors d'universitats, jornalistas, artistas…) e de las minoritats etnicas (afroamericans, ispanics) e religiosas (catolics, josieus). A longtemps tanben dispausat per lo passat del sosten dels segregationistas del sud (Dixiecrats).