Glaudi Brueis

Un article de Wikipèdia, l'enciclopèdia liura.
Anar a : navigacion, Recercar
Edicion dau Jardin dei Musas provençalas

Glaudi Brueis (Claude Brueys dins la grafia arcaïca e francizanta; Ais de Provença, c. 1570[1] - 1636) foguèt un poèta e un autor dramatic provençau dau començament dau sègle XVII. Èra membre de l'auta societat d'Ais de Provença. Seis òbras foguèron publicadas per lo premier còp en 1628 as Ais sota lo títol de Jardin dei Musas provençalas (<Jardin deys Musos provensalos>), inclusent sa poesia, sei comèdias (Comèdia a onze Personatges e doas Comèdias a sèt Personatges) e sei tres balets.

Compausèt tanben en francés en mai de sei dedicaças que rebaton sei disposicions per assajar d'agradar au rei e au regim monarquic francés.

Èra lo fiu de Denys Brueys, cònsol dau temps de la Liga, e d'Anne Maye. Lor premier fiu (lo fraire ainat de Glaudi Brueis) s'apelava Etienne Brueys. Èra de segur una granda familha borgesa e non pas nòbla coma o laissariá pensar lo títol d'escudier que revindicava en tèsta de son Jardin. En 1609 esposèt Marguerite Imbert.

Bibliografia[modificar | modificar la font]

  • Brueys, Claude. Poésies provençales des XVIe et XVIIe siècles, publiées d'après les éditions originales et les manuscrits par Anselme Mortreuil. Genèva : Slatkine, 1971.

Liames extèrnes[modificar | modificar la font]

Nòtas[modificar | modificar la font]

  1. Data prepausada per Anselme Mortreuil dins son edicion de 1842