Freddie Mercury

Un article de Wikipèdia, l'enciclopèdia liura.
Freddie Mercury en 1977.

Farrokh Bulsara, mai conegut pel nom artistic de Freddie Mercury, (Stone Town, Zanzibar, 5 de setembre de 1946 - Kensington e Chelsea, Londres, 24 de novembre de 1991) foguèt un musician britanic, cantaire e cap del grop de rock Queen.

Nasquèt lo 5 de setembre de 1946 dins la vila de Stone Town (Zanzibar), amb lo nom de Farrokh Bulsara, filh de Bomi, foncionari de la Cort Suprèma del govèrn britanic, e Jer Bulsara. Los sieus parents èran parses (una comunitat persa, normalament residenta a la Índia, que practica l'anciana religion zoroastriana). Aviá una sòr, Kashmira Bulsara-Cooke. Al cap de pauc temps los sieus parents se transportèron a Bombai. Lo 1954 anèt estudiar al collègi St. Peter a Panchagani, a unes 80 quilomètres de Bombai. Foguèt ailà ont los sieus amics comencèron a li dire Freddie, nom que la familha adoptèt tanben.

Sens dobte, es una de las melhoras voses qu'a donat lo pop-ròck lo sègle XX, dotada d'un extraordinari registre (tres octaves e mièja), e que cantèt amb el una granda varietat d'estils musicales.

Tant la carrièra coma vocalista principala del grop Queen coma en solitari aguèt un grand succès, e arribèt a far los concèrts amb mai public de l'epòca.