Ergotisme

Efièches de l'ergotisme dins un quadre de Matthias Grünewald (1512)

L'ergotisme, sonat autrecòps fuòc de sant Antòni o mal dels ardents, es una intoxicacion alimentària causada per l'ingestion d'alcaloïdes contenguts dins lo blat cornut, un campairòl que parasita lo segal e, fòrça mens sovent, la civada, lo blat o l'òrdi.

Las substàncias activas son totas de polipeptids derivats de l'acid lisergic. Los efièches de l'empoisonament se pòdon traduire per d'allucinacions, de convulsions e de contraccions arterialas, que pòdon menar a la necròsi dels teissuts e l'aparicion de gangrena de las extremitats. La malautiá començava amb un freg intens e subte dins totas las extremitats per provocar puèi una sensacion de ceremedura aguda. Fòrça victimas capitan a subreviure mas demoravan mutiladas: podián arribar a pèrdre totas sas extremitats. Existissiá d'autra varianta d'aquesta intoxicacion ont lo pacient patissiá d'intensas dolors abdominalas que s'acabavan per una mòrt subta. Las femnas emprenhadas avortavan sistematicament.

Pendent l'Edat Mejana las intoxicacions per l'ergòt èran tan frequentas que se creèron d'espitals ont los fraires de l'òrdre de Sant Antòni se consacravan en exclusivitat a sonhar aqueles malauts. Aqueles fraires portavan un vestit escur amb una granda T blava sul pitre.

Vejatz tanben

• Mistèris d'Eleusis
• LSD

Ligams extèrnes

• "Bad Rye and the Salem Witches ((en))
• Podcast De the memory palace, episòdi sul ergotisme en los Païses Basses. ((en))
• Ergotisme "the movie" ((en))