Eila

Pels articles omonims, vejatz Eila (omonimia).

Eila
Pont suspendut de Sent Denís de Pila sus Eila
Caracteristicas
Longor	255 km
Bacin	?
Bacin collector	Dordonha
Debit mejan	63 8 m3⋅s-1 (Cotràs)
Riu
S'escampa dins	Dordonha
Geografia
Païses traversats	França

Eila ['ɛjlɒ] (Isle en francés) es una ribiera occitana dau sud-oest de França (regions de Lemosin e d'Aquitània).

Etimologia

Eila a per origina lo preceltic °Ela que donet mai d'un nom de cors d'aiga (Elle, Ill, Ille,...). L'omonimia entre Eila e Isla, plan anciana (en Perigòrd dialectalament lemosin, i- iniciala es pus sovent prononçada [ɛj]), es a l'origina de la grafia francesa.

Geografia

La font d'Eila se tròba en Lemosin (departament de Nauta Vinhana, au sud dau vilatge de Rongeras (comuna de Janalhac) per 375 m d’altitud. Son cors es de 255 km, dont 87 km de navigar (aura en mai d'una seccion). Se junh a Dordonha en Liborna. Sa penda mejana es de 1,56 m/km. Tot lo bacin es de clima oceanic. Lo movement de la marea se fai sentir jurca Savinhac d'Eila, lo flux monta enquera una dotzena de quilomètres mai amont devers Cotràs.

Idrologia

Lo 3 de genier de 1994, l'estacion idrologica de Cotràs enregistret un debit maximau jornalier de 837 m³/s.

Departaments e localitats asaigats

• Nauta Vinhana : Lu Chaslar
• Dordonha : Jumilhac lo Grand, Cornhac d'Eila, Savinhac de las Doas Gleisas, Perigüers, Colonhés e Champs Niers, Sench Astier, Nuòuvic, Moissídan, Montpaun e Menestairòu
• Gironda : Cotràs, Liborna

Afluents principaus

• Loa
• Auvesera
• Manoire
• Vern
• Beurona (tres rius son nomenats entau)
• Cremsa
• Ducha
• Drona
• Corbarieu
• Sàia