Conselh Generau d'Aran
Eth Conselh Generau d'Aran ei era principau institucion de govèrn dera Val d'Aran. Lo formen eth Sindic, eth Plen e era Comission d’Auditors de Compdes. Constituís era estructura administrativa pròpia d'Aran restablida pera Lei 16/1990, de 13 de junhsèga, sus eth regim especiau dera Val d'Aran.
Somari |
[modificar] Competéncies
Eth Conselh Generau a competéncia enes matèries que determinen era lei reguladora deth regim especiau e era rèsta de leis aprovades peth Parlament de Catalonha e es facultats qu’era lei li atribuís.
Eth Conselh Generau a competéncia plena en tot aquerò que hè referencia ath foment e ar ensenhament der aranés e dera sua cultura cossent damb es normes de caractèr generau vigentes en tota Catalonha en camp dera politica lingüistica e educativa.
Tanben a competéncies sus es matèries que seguissen:
- Sanitat.
- Servicis sociaus.
- Torisme.
- Proteccion, mantenença e administracion deth sòn auviatge istoric e artistic.
- Proteccion dera natura, montanha e vies forestaus.
- Agricultura, bestiar, pesca, caça e profitaments forestaus.
- Sauvaments e escandiment de huecs.
- Joenessa.
- Léser e temps liure.
- Espòrts.
- Miei ambient.
- Arremassatge e tractament de residus solids.
- Salubritat publica.
- Carretères locaus.
- Transpòrt interior de viatgèrs.
- Artesania.
[modificar] Elegits
Aran se dividís en sies circonscripcions, corresponentes as sies terçons istorics formats per Pujòlo, Arties e Garòs, Castièro, Marcatosa, Lairissa e Quate Lòcs.
Eth Conselh Generau ei integrat per tretze membres, despartits dera manèra que seguís:
- Pujòlo: 2 membres.
- Arties e Garòs: 2 membres.
- Castièro: 4 membres.
- Marcatosa: 1 membre.
- Lairissa: 1 membre.
- Quate Lòcs: 3 membres.
Eth Plen ei era amassada des conselhèrs generaus.
[modificar] Resultats des eleccions ath Conselh Generau
Majoritat en gras.
[modificar] Eleccions de 2011
| Partit | Vòtes | Percentatge | Conselhèrs |
|---|---|---|---|
| Convergéncia Democratica Aranesa | 2 216 | 46,34% | 7 |
| Unitat d'Aran | 1 965 | 41,09 % | 5 |
| Partit Renovador d'Arties-Garòs | 129 | 2,70 % | 1 |
| Partit Popular | 308 | 6,44 % | 0 |
Sindic elejut lo 18 de junh: Carles Barrera.
[modificar] Eleccions de 2007
| Partit | Vòtes | Percentatge | Conselhèrs |
|---|---|---|---|
| Unitat d'Aran | 2 198 | 46,13 % | 6 |
| Convergéncia Democratica Aranesa | 2 030 | 42,60% | 6 |
| Partit Renovador d'Arties-Garòs | 180 | 3,78 % | 1 |
| Partit Popular | 225 | 4,72 % | 0 |
Sindic elejut lo 18 de junh: Francés Boya.
[modificar] Eleccions de 2003
| Partit | Vòtes | Percentatge | Conselhèrs |
|---|---|---|---|
| Convergéncia Democratica Aranesa | 2 183 | 45,06% | 7 |
| Unitat d'Aran | 1 895 | 39,14 % | 5 |
| Partit Renovador d'Arties-Garòs | 155 | 3,20 % | 1 |
| Partit Popular | 192 | 3,97% | 0 |
