Francés Boya Alòs

Un article de Wikipèdia, l'enciclopèdia liura.
Anar a : navigacion, Recercar
Paco Boya

Francés Xavier Boya Alòs (Les, Val d'Aran, 23 de gèr de 1960) ei un polític, escrivan e musician aranés, mès coneishut coma Paco Boya. Siguèc Sindic d'Aran de 2007 a 2011. Ei senador dempuish 2011.[1]

Biografia[modificar | modificar la font]

Seguic estudis de formacion professionau. Ei tecnician de grad miejan en electricitat, siguèc cap de departament ena Administracion dera Generalitat de Catalonha pendent ueit ans.

Ei autor deth libre Aran, deth guida literari Era Val d'Aran (1995), deth recuelh de narracions cortes L'alè del bosc (1997) e dera novèla Presoèrs dera mar gelada (1999), pera quau arrecebèc eth Prèmi Les Talúries en 1998.

Collaborèc ath diari Segre e ara revista Descobrir Catalunya.

Siguèc director deth programa Era lucana, de Televisió Espanyola a Catalunya (1989-1990).

Ei membre dera associacion culturau Es Corbilhuèrs de Les, dera associacion Lengua Viua, dera Fondacion Musèu Etnologic dera Val d'Aran, dera Associacion Recreatiua de Les, e soci deth Club Aranés d'Espòrts d'Iuèrn e ei fondator e líder deth grop de musica Bramatopin.

Recebèc era medalha Vila de Luishon (1998) e era medalha Stéphen Liégeard (1999), pera òbra Presoèrs dera mar gelada.

Politica[modificar | modificar la font]

Membre fondador d'Unitat d'Aran (1978), dera quau ei Secretari Generau. Afiliat ath Partit des Socialistes de Catalonha (PSC-PSOE) des de 1995. Siguèc regidor de Cultura der Ajuntament de Les (1989-1991), deth quau siguèc dempús alcalde adjunt (1991-2007). Siguèc elejut diputat ath Parlament de Catalonha en 1999[2] e 2003[3].

Après es eleccions deth mai de 2007, aconseguís era carga de Sindic d'Aran damb eth supòrt deth son partit UA-PSC e deth Partit Renovador d'Arties e Garòs (PRAG). As eleccions de 2011 deisha la carga de sindic a Carles Barrera.

Eth 21 de novémer de 2011 ei elejut ath Senat espanhòu[4].

Referéncies[modificar | modificar la font]

  1. Ficha suth site deth Senat
  2. N°3 en 1999. Resultes electoraus suth site dera Generalitat
  3. N°4 en 2003. Resultes electoraus suth site dera Generalitat
  4. Resultat des eleccions