Centurion (carri de combat)

Un article de Wikipèdia, l'enciclopèdia liura.
Anar a : navigacion, Recercar

Lo carri Centurion es un carri de combat britanic considerat coma lo premier carri de combat principau desvolopat. Desvolopat durant la Segonda Guèrra Mondiala, intrèt en servici en 1945 après la fin dei combats. 4 423 unitats foguèron produchas e 20 país l'adoptèron generalament au sen de l'OTAN o dau Commonwealth. En 2012, certanei versions èran totjorn en servici. En causa d'aqueu succès, existisse un nombre fòrça important de versions.

Participèt a divèrsei conflictes. Lei pus importants foguèron la Guèrra de Corèa onte lo carri obtenguèt de resultats fòrça satisfasents còntra lei carris mejans e pesucs d'origina sovietica confirmant la validitat dau concèpte de carri de combat principau. En Orient Mejan, participèt ai guèrras d'Israèl còntra sei vesins arabis. Força modernizat, i obtenguèt de resultats favorables còntra lei T-55 e T-62 sirians dins la region de Golan (300 carris sirians destruchs còntra 80 blindats israelians en 1973) e venguèt lo simbòl de la poissança deis unitats blindadas israelianas. Enfin, participèt ai operacions sud-africanas en Angòla onte deguèt faciar de T-34, T-55 e T-62 cubans ambé de resultats mau coneguts.