Canon de 37 mm modèl 1916 TR
Lo canon de 37 mm modèl 1916 TR es un canon de sostèn francés intrat en servici en 1916. Capable de tirar 15 còps a la minuta a una distància eficaça de 1 500 m, èra destinat a la destruccion dei nís de mitralhièra. Per aquò, èra relativament leugier (108 kg), çò que permetiá un transpòrt rapid per un grop de quatre combatents. L'obús èra capable de passar una espessor de tres sacs d'arena. Cada regiment recebèt una seccion de tres canons. Lo 37 mm 1916 TR aguèt ansin un ròtle dins la transformacion de l'infantariá francesa durant la Premiera Guèrra Mondiala en li permetent de dispausar d'una pèça poderosa durant seis atacas. Èra tanben possible d'utilizar lo canon en fasa defensiva per atacar leis observatòris enemics e lei merlets.
Aqueu canon foguèt mai que mai utilizat per França e per leis Estats Units durant la Premiera Guèrra Mondiala. Lei pèças encara disponiblas foguèron egalament utilizadas coma canon anticarri per lei Francés e leis Alemands pendent la Segonda Guèrra Mondiala. Enfin, d'utilizacions pontualas per lo Viet Minh aguèron luòc durant la Guèrra d'Indochina.
Liames intèrnes[modificar | Modificar lo còdi]
Bibliografia[modificar | Modificar lo còdi]
- (fr) Michel Goya, L'Invention de la guerre moderne : du pantalon rouge au char d'assaut, 1871-1918, París, Éditions Tallandier, coll. « Texto / le goût de l'histoire », 2014.