Campanha de Cabaret (1210)
|
Campanha de Cabaret (1210)
| |
|---|---|
 | |
| Informacions generalas | |
| Data | 1209-1210 |
| Luòc | Region dei Castèls de Las Tors |
| Eissida | Victòria dei senhors de Las Tors |
| Belligerants | |
 Crosada deis Albigés |
Senhoriá de Las Tors |
| Comandants | |
 Simon IV de Montfòrt |
Pèire Rogièr de Cabaret |
| Batalhas | |
.svg){kind=small}
La campanha de Cabaret de 1210 es un ensems de combats que se debanèron durant la Crosada deis Albigés. Après la victòria crosada de Carcassona, l'objectiu de Simon de Montfòrt èra de conquistar lei domenis Trencavel totjorn tenguts per de senhors occitans locaus enemics de la Crosada e dei Francés. La region de Cabaret representava donc un objectiu important car lei senhors de Cabaret tenián un domeni grand ambé de ressorsas importantas (especialament una industria d'armament) fòrça ben protegit per sei defensas naturalas e l'ensems fortificat dei castèus de Las Tors.
Amb una armada demenida per la partença d'unei senhors importants qu'avián finit lor servici d'ost au profiech de la Crosada, Montfòrt assaièt sensa succès de conquistar la region. Au contrari, deguèt faciar una tièra de reviradas coma la captura de son luòctenent Bouchard de Marly per Pèire Rogièr de Cabaret. De mai, dins lo rèsta dei domenis Trencavel, d'autrei senhors occitan aprofichèron l'absència de Montfòrt per atacar lei posicions crosadas entraïnant l'anientament de la garnison de Puègserguièr. Una autra consequéncia de la revirada de Cabaret foguèt la partença dau còmte de Borgonha que rintrèt dins sei territòris.