Batalha de Murèth
Un article de Wikipèdia, l'enciclopèdia liura.
| Batalha de Murèth | |
|---|---|
 |
|
| La Batalha de Murèth d'après una enluminadura del sègle XIV | |
| Data | 13 de setembre de 1213 |
| Luòc | Murèth |
| Resulta | Victòria francesa decisiva |
| Armadas presentas | |
| Crosats Franceses |
Comtat de Tolosa Corona d'Aragon Feudals Occitans |
| Comandants | |
 Simon IV de Montfòrt.svg){kind=small} Bouchard de Marly Guillaume des Barres |
 Pèire II d'Aragon Raimon VI de Tolosa Bernat de Comenge Raimon Rogièr de Fois |
| Fòrças presentas | |
| Pèrdas | |
| Crosada dels Albigeses | |
La Batalha de Murèth se debanèt lo 13 de setembre de 1213 a Murèth a 15 km al sud de Tolosa. Es un episòdi màger de la Crosada dels Albigeses. S'i afrontèron las fòrças occitano-aragonesas menadas per Pèire II d'Aragon e Raimon VI de Tolosa als crosats mai que mai franceses menats per Simon de Montfòrt. Lo rei d'Aragon i moriguèt e las armadas occitano-aragonesas foguèron desfachas.
[modificar] Contèxt
Dempuèi quatre ans, una armada crosada francesa opèra en Occitània dins la tòca d'eradicar lo catarisme. Après lo chaple de Besièrs e la presa de Ciutat de Carcassona (1209), Simon IV de Montfòrt contunha sa progression. S'es apoderat de las tèrras dels vescomtats de Raimon Rogièr Trencavel, puèi s'es atacat al Comtat de Tolosa. La crosada vira lèu a una guèrra de conquista. Lo rei En Pèire II d'Aragon, comte de Barcelona e senhor de Montpelhièr, èra sobeiran de mantun senhors lengadocians, demest los quals lo vescomte Trencavel. Tafurat de la venguda d'aquesta crosada dins sa zòna d'influéncia, assajèt mantun còps de far lo mediator entre las doas partidas, e reconeguèt pas Montfòrt coma vescomte de Carcassona e de Besièrs que per fòrça. Sos interèsses e sos ligams feudals anavan contra la conducha que li impausava lo poder de la glèisa de Roma, e son ròtle de sobeiran catolic.
