Biscaia
|
|||
| Capitau | Bilbao | ||
| Comunautat autonòma | Comunautat Autonòma Basca | ||
| Estat |  Espanha |
||
| Superfícia | 2217 km² | ||
| Populacion | 1 146 421 ab. | ||
| President | José Luis Bilbao | ||
| Sit oficiau | bizkaia.net | ||
| Mapa topografica de Biscaia | |||
|---|---|---|---|
 |
|||
Biscaia (Biscay en anglés, Biscaye en francés, Bizkaia en basco, Vizcaya en espanhòu) qu'ei ua província d'Espanha, un "territòri istoric" dens la Comunautat Autonòma Basca e ua província tradicionau deu Bascoat qui desempuish lo sègle XIau dinc a 1876 formava ua senhoria.
Los sons abitants que son los biscaïns.
Qu'ei bordada per Cantàbria (oèst), la província de Burgos (sud-oèst), Alaba (sud), Guipuscoa (èst) e lo golf de Gasconha (nòrd). La ciutat d'Urduña que forma ua exclava biscaïna enter Alaba e Burgos.
Los sons cors d'aiga mei importants que son, de l'òest a l'èst: Agüera, Barbadun, Cadagua, Nervión, Ibaizabal, Asua, Butroe, Oka, Lea e Artibai.
[modificar] Istòria
La forma d'organizacion politica dinc a 1876, an de l'abolicion deus fòrs, que i èra la senhoria; en dependentent deu Reiaume de Castelha mei dab ua legislacion e un govèrn pròpris, qu'ofriva aus sons vassaus un estatut pròpri e uns privilègis qui'us hasèvan diferents de la rèsta de possessions castelhanas.
Segon la legenda, en 840, las tropas asturianas deu rei Anfós II, comandadas peu son hrair l'infant Ordoño que reclamèn a Biscaia los impòsts non pagats (un bueu, ua vaca e un cavath blanc)...
Lo president deus Estats Units d'America John Adams, qui en genèr de 1780 visitè Bilbao [1][2], que n'escrigoc dens la "Letra IVau. Biscaia. Ua defensa de las constitucions de govèrn deus Estats Units d'America. 1787" : « ...aqueth pòble extraordinari qu'a preservada la soa anciana lenga, gèni, leis, govèrn e costumas shens cambiaments, hèra mei que d'autas nacions d'Euròpa. »
[modificar] Heraudica
Sus la crotz, un arbre que representa lo casso de Gernika, simbèu de las libertats bascas. Dinc a 1986 que i figuravan dus lops en portant cadun un anhèth dens la boca.
[modificar] Nòtas
- ↑ Meditacions confusas d'un bostonian despatriat (en)
- ↑ John Adams, president deus Estats Units, que visitè Bilbao (fr)
.svg){kind=small}
