Batalha de França

Un article de Wikipèdia, l'enciclopèdia liura.
Anar a : navigacion, Recercar



Còde QRpedia d'estampar per un accès dirècte a aquèth article
Donadas
d · m
Batalha de França
Segonda Guèrra Mondiala
Q216184Q216184
Picto infobox conflict.png
[[Imatge:|250px]]
Descripcion de la bandièra
Descripcion dau blason
Descripcion deu sagèth
Latitud
Longitud
Generalitats
Picto infobox conflict.png
Partida de Q216184
Sosclassa de
Nomenat d'aprèst
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren


Precedit per
Seguit per
Coordenadas
Situat dens
País
Sit oficial
Battle of France collage.jpg
De senèstra a drecha a partir d'amont : Panzer IV alemands traversant un vilatge francés; soldats alemands en passa-carrièra sus l'Arc de trionf après la capitulacion de París lo 14 de junh de 1940 ; colomna de tancs franceses Renault R35 a Sedan (Ardenas) ; presonnièrs franceses e britanics a Veules-les-Roses ; soldats franceses dins una revista de tropas dins las fortificacions de la linha Maginot.
Informacions generalas
Picto infobox conflict.png
Data 10 de mai - 22 de junh de 1940
Luòc Luxemborg, Païses Basses, Belgica,França.
Eissida Victòria alemanda decisiva
Belligerants
Picto infobox conflict.png
França França
Flag of the United Kingdom.svg Reialme Unit
Belgica Belgica
Païses Basses Païses Basses
Flag of Poland.svg Polonha
Flag of Luxembourg.svg Luxemborg
Tresen Reich
Itàlia

La Batalha de França, foguèt pendent la Segonda Guèrra Mondiala, l'invasion alemanda dels Païses Basses, Belgica, Luxemborg e França. Començada lo 10 de mai de 1940, l'ofensiva s'acabèt lo 22 de junh per la desfacha de las tropas francesas.

La batalha consistèt en doas operacions principalas. D'en primièr, l'operacion Fall Gelb (caissa jauna), las unitats blindadas alemandas faguèron una traucada a travèrs las Ardenas per fin d'isolar e d'enrodar las fòrças aligadas qu'avián avançadas en Belgica. Quora las fòrças britanicas e francesas foguèron butadas cap a la mar per una operacion alemanda fòrça mobila e plan organizada, lo govèrn britanic decidiguèt d'evacuar lo còrs expedicionari britanic e qualques divisions francesas a Dunkerque per l'Operacion Dynamo.

La segonda part, l'operacion Fall Rot (caissa roja), foguèt executada a partir del 5 de junh . Al començament las fòrças francesas desplegadas opausèron una fòrta resisténcia, mas la superioritat aeriana alemanda submergiguèt pauc cha pauc las posicions de l'artilhariá francesa. Las tropas alemandas contornèron la Linha Maginot per dintrar prigondament dins lo territòri francés alara que començava la desbranda de las fòrças francesas. L'armada alemanda arrivèt dins una vila de París non defenduda lo 14 de junh e sos comandants encontrèron los oficials franceses. Entre eles lo marescal Philippe Pétain que, contrariament als voses de nombroses franceses, anoncièt voler signar un armistici.

Lo 22 de junh, un armistici foguèt signat entre França e Alemanha, que ne resultèt una division de França que foguèt ocupada al nòrd e a l'oèst per Alemanha, al sud èst per Itàlia per un pichona part, e una zona sud inocupada, la zona liura, foguèt daissada al govèrn novèlament format a Vichèi dirigit per lo Marescal Pétain. França demorarà jos l'ocupacion de las Poténcias de l'Ais entrò lo Desembarcament aligat en Normandia en 1944.

Preludi[modificar | modificar la font]

Après l'invasion de Polonha en setembre de 1939 (qu'inicièt la Segonda Guèrra Mondiala), un periòde d'inaccion nomenat en anglés Phoney War (falsa guèrra), en alemand Sitzkrieg (guèrra assetada) o en francés Drôle de guerre (guèrra estranha) s'installèt entre las fòrças en preséncia. Adolf Hitler aviá esperat que França e Anglatèrra aurián accceptadas sa conquista e fach la patz lèu lèu. Lo 6 d'octobre, prepausèt la patz als dos poders occidentals. Abans qu'aguèsson lo temps de respondre, lo 9 d'octobre, formulèt tanben una nòva politica militara per dins lo cas de responsas negativas: Führer-Anweisung N°6 (directivas del Führer n°6).[1]

Estrategia alemanda[modificar | modificar la font]

Hitler aviá totjorn somniat d'una granda campanhas militara per véncer los estats de l'Euròpa Occidentala coma pas preliminar abans la conquista dels territòris a l'èst, evitant aital una guèrra de dos fronts. Pasmens, aquestes intencions èran absentas de la Directiva del Führer Numèro 6.[2] Aqueste plan se basava subre la suposicion pus realista que lo potencial militar alemand non seriá pas al seu punt maximum abans plusors ans, e que doncas sonque se podrián aténher d'objectius pus limitats. Èran dirigits a melhorar la capacitat alemanda a sostenir una guèrra longa a l'oèst.[3] Hitler aviá pensat repetir l'atac alemand de la Primièra Guèrra Mondiala, es a dire, atacar a travèrs del nòrd de Belgica, contornant la ben defenduda Linha Maginot; amb la diferéncia que aquesta còp los Païses Basses e Luxemborg serián tanben envasits. Aqueste atac evitariá tanben que França poguèsse amenaçar lo bacin de Ruhr, vital per Alemanha. A mai, aqueste atac ofririá de basas per lançar una campanha a long tèrme per aire e mar contra lo Reialme Unit. Dins la directiva se mencionava pas l'intencion de conquistar la totalitat de França, mas sonque las zonas frontalièras del nòrd.[2]

Mentre qu'escriviá la directiva, Hitler aviá assumit l'idèa que l'atac podriá començar dins qualques setmanas, mas lo jorn de sa publicacion s'èra ja desenganat d'aquesta illusion. Comprenguèt qu'èra estat mal informat subre l'estat real de las fòrças alemandas. Las unitats motoritzadas avián de recuperar e reparar los veïculs malmenats durant la campanha de Polonha; mentre que las resèrvas de municion èran majoritàriament abenadas.[4]

Referéncias[modificar | modificar la font]

  1. Shirer 1990, p.715
  2. 2,0 2,1 Frieser 2005, p. 61.
  3. Karl-Heinz Frieser Blitzkrieg-Legende p. 32
  4. Karl-Heinz Frieser Blitzkrieg-Legende p. 25