Arrondiment francés

Un article de Wikipèdia, l'enciclopèdia liura.

Pels articles omonims, vejatz Arrondiment municipal francés.

L'arrondiment es une subdivision territoriala dels departaments francés.

Somari

1 Ròtle e administracion
2 Istòria
3 Nòtas e referéncias
4 Vejatz tanben
- 4.1 Ligams intèrnes
- 4.2 Ligams extèrnes

[Modificar] Ròtle e administracion

L'arrondiment departamental es una circonscripcion territoriala, subdivision del departament ; ele meteis es subdevesit en cantons e en comunas. L'administracion d'un arrondiment es confiada a un sosprefècte qu'assistís lo prefècte del departament.

Contràriament a las regions, als departaments e a las comunas, los arrondiments departementals an pas l'estatut de persona morala de drech public. Totjorn a la diferéncia d'aquestas divisions territorialas, los arrondiments son pas gerts per de personas elegidas, mas designadas per la presidéncia de la Republica francesa.

[Modificar] Istòria

Lo principi dels arrondiments foguèt prepausat dins mantun projècte de reforma jos l'ancian Regim, notadament per l'intendant de Bretanha Caze de La Bove dins son Memória concernent los subdelegats de l'intendéncia de Bretanha en 1775.

Los arrondiments departementals foguèron efièchament creats per la lei del 28 pluviôse an VIII (17 de febrièr de 1800) e se substituiguèron als districtes. Cada arrondiment aviá un conselh d'arrondiment que las atribucions se redusián a examinar la situacion fiscala e a emetre de vòts que lo sosprefècte transmissiá al Conselh general. Los arrondiments an servit a d'unes periòdes de circonscripcion legislativa, en particular pendent la Tresena Republica. E mai, lo decret del 10 de setembre de 1926, que suprimiguèt 106 arrondiments jos pretèxt d'economias dins l'administracion, foguèt considerada coma una manipulacion electorala.

En 1940, la lei del 12 d'octobre « suspendís » los conselhs d'arrondiments, que seràn pas jamai remeses en activitat^[1].

En 2007, existís 342 arrondiments. La màger part dels departaments ne possedisson tres o quatre. Los departaments del territòri de Belfòrt e de París n'an pas qu'un sol, mentre que Mosèla n'a nou. Lo departament de Sèina e Oise, en 1966 1967, just abans sa supression, aviá onze arrondiments, çò qur constituissiá lo maximum pas jamai atenhut.

Los tres arrondiments de Metz Campanha, Estrasborg Campanha e Thionville Oèst an una comuna capluòc qu'aparten pas a l'arrondiment. L'arrondiment de Sant Martin Sant Bartomieu (Guadalope) aviá pas de capluòc, segon lo còde oficial geografic de l'INSEE (mas aqueste arrondiment existís pas mai en 2007 dempuèi que Sant Bartomieu e Sant Martin son estadas erigidas en collectivitats territorialas e fan pas mai partida de Guadalope).

Dempuèi qualques decennias, lo nombre d'arrondiments a tendéncia a augmentar, mai particularament en Illa de França e dins los departaments d'otramar. Atal, aquestas cinquanta darrièras annadas, los eveniments seguents se son produches :

2007 : desaparicion de l'arrondiment de Sant Martin Sant Bartomieu (Guadalope)
2006 : creacion de l'arrondiment d'Arcachon (Gironda)
2000 : l'arrondiment de Montmorency desven l'arrondiment de Sarcelles (Val d'Oise)
1995 : creacion de l'arrondiment de Sant Pèire (Martinica)
1994 : l'arrondiment de Noisiel desven l'arrondiment de Torcy (Sèina e Marna)
1993 : creacion dels arrondiments de Noisiel (Sèina e Marna) e de Sant Danís (Sèina Sant Danís)
1988 : creacion de l'arrondiment de Fontainebleau (Sèina e Marna)
1984 : creacion de l'arrondiment de Vierzon (Char)
1981 : creacion de l'arrondiment d'Istra (Bòcas de Ròse)
1974 : creacion dels arrondiments de Brinhòlas (Var) e del Marin (Martinica), fusion dels arrondiments de Selestat e d'Erstein (Ren Bas)
1972 : creacion dels arrondiments de Boulogne Billancourt (Nauts de Sèina) e de L'Haÿ les Roses (Val de Marna)
1969 : creacion dels arrondiments de Sant Paul (Reünion) e de Sant Laurent del Maroni (Guïana), supression de l'arrondiment de l'Inini (arrondiment amb estatut particular, Guïana)
1968 : creacion de l'arrondiment de Sant Benezet (Reünion)
1966 : creacion dels arrondiments d'Antony (Sèina, en vista de la formacion dels Nauts de Sèina), de Nogent sus Marna (Sèina, en vista de la formacion del Val de Marna), d'Étampes (Sèina e Oise, en vista de la formacion d'Essonne) e d'Argenteuil (Sèina e Oise, en vista de la formacion del Val d'Oise)
1965 : creacion dels arrondiments de La Trinitat (Martinica), de Nantèrra, de Bobigny e de Créteil (Sèina, en vista de la formacion dels Nauts de Sèina, de la Sèina Sant Danís e del Val de Marna, aquestes 3 arrondiments essent creats implicitament per la designacion dels capluòcs dels futurs departaments)
1964 : creacion de l'arrondiment de Sant Pèire (Reünion)
1963 : creacion de l'arrondiment de Sant Martin Sant Bartomieu (Guadalope)
1962 : creacion dels arrondiments de Montmorency, de Palaiseau, del Raincy, de Sant Germain en Laye (Sèina e Oise), de Calais e de Lens (Pas de Calais)

E mai, los arrondiments de Sant Danís e de Sceaux (departament de Sèina), qu'an daissat d'èsser administrats per un sosprefècte en 1880 per passar jos l'autoritat dirècta del prefècte de Sèina, son pas jamai formalament estats suprimits en tant que divisions administrativas, e son doncas implicitament estats suprimits pel decopatge de Sèina en quatre departaments novèls en 1964.