Acadèmia de la Lenga Occitana
L'Acadèmia de la Lenga Occitana (var. Acadèmia dera Lengua Occitana) o Acadèmia de l'Occitan (var. Acadèmia der Occitan) que hoc un projècte provisòri d'autoritat de regulacion lingüistica de la lenga occitana. Que's presentèc coma ua continuacion possibla deu Conselh de la Lenga Occitana.
Creacion
[modificar | Modificar lo còdi]Lo projècte que's presentèc en mai de 2008 a l'iniciativa de l'Institut d'Estudis Occitans e deu Conselh Generau d'Aran; lo sindic d'Aran, Francés Boya, lo president de l'IEO, Dàvid Grosclaude, la representanta de l'Euroregion Pirenèus-Mediterranèa, Margalida Tous, los representants deus conselhs regionaus de lenga occitana, de la Generalitat de Catalonha e d'universitats que hon presents[1].
Objectius
[modificar | Modificar lo còdi]Lo projècte d'Acadèmia que vovèla definir, conservar e dehéner la codificacion ortografica de la lenga e tribalhar sus la grafia, la gramatica, la lexicologia e la toponimia, en tot respectar l'unitat e la diversitat de l'occitan[2].
Conselh Plenièr
[modificar | Modificar lo còdi]Lo Conselh Plenièr (dit Conselh Plenari peu Conselh Generau d'Aran) de l'Acadèmia que seré estat compausat de 50 membres en tot, qui aurén representat:
- tots los conselhs de las regions de l'Estat Francés on e's parla occitan
- la Region de Piemont en Itàlia
- la Generalitat de Catalonha
- lo Conselh Generau d'Aran
- los servicis d'educacion responsables de l'ensenhament de l'occitan
- los sectors d'activitat on s'emplega l'occitan, com la recèrca, l'edicion, la creacion artistica e literària o los mèdias.
Nòtas
[modificar | Modificar lo còdi]- ↑ Eth Conselh Generau e er IEO lancen era Academia dera Lengua Occitana, actualitat de mai 2008 suu site del Conselh Generau d'Aran
- ↑ Eth sindic d’Aran encoratge as regions entà auançar ena constitucion dera Acadèmia der Occitan, actualitat de novembre 2008 suu site deu Conselh Generau d'Aran
