ZiS-30
Lo ZiS-30 es un caçaire de carris sovietic de la Segonda Guèrra Mondiala.
Desvolopat per leis engenhaires sovietics en 1941 après lo començament de l'invasion alemanda, èra eissit de l'installacion d'un canon anticarri de 57 mm sus un tractor d'artilhariá Komsomolets. Pasmens, en causa de la manca dei ressorsas necessàrias a sa fabricacion, la produccion foguèt arrestada après mens de 100 exemplaris. De mai, l'arma mancava de blindatge e la posicion dei resèrvas d'obús en avans dau bloquier èra fòrça perilhosa per l'equipatge. Lo ZiS-30 foguèt donc rapidament remplaçat après l'intrada en servici d'equipaments pus eficaç.