Yuzhoupliosaurus

Un article de Wikipèdia, l'enciclopèdia liura.
Salta a la navegació Salta a la cerca

Yuzhoupliosaurus chengjiiangensis ei un reptil marin escantit, apartenhent ara familha des plesiosaures. Demorèc pendent eth jurassic miei (hè aperaquí 175 milions d'annades) e es sues despolhes sigueren trapades en China. Se pensa qu'ère un des paucs plesiosaures d'aigua dolça.

Descripcion[modificar | modificar la font]

Es solets fossils d'aguest plesiosaure son ua maishèra, 18 vertèbres e troçi dera cinta pectoral e aletes posteriors. Aguest animal hèia uns 4 m de longada e avia un gran cap damb eth morre plan long. Era maishèra avia cinc dents en cada costat entà devant e 46 o 48 dents mès mès petites darrèr. Es costelhes cervicals anteriors finien en un espandiment bifid e es posteriors èren simples. L'uas coracoides ère long e es clavicoles plan evolucionades. Er omoplat plan prim. Coma toti es plesiosaures, Yuzhoupliosaurus avia quate aletes de mesura semblant, coma rames.

Classament[modificar | modificar la font]

Siguec descrit per prumèr còp en 1985. Trapat ena provincia de Sichuan, en China, es sues rèstes son pauques mès an permes as scientifics de classar Yuzhoupliosaurus coma un pliosaure (plesiosaures damb eth còth cuert e un cap gran e robust). Totun, qu'era sua posicions filogenetica aué enqüera ei pas clara.

Paleobiologia[modificar | modificar la font]

Es fossils de Yuzhoupliosaurus an sigut trapats en depaus que pendent eth jurassic miei èren un airau d'aigua dolça: es pensa pr'açò qu'aguest reptil marin ère un plesiosaure que demorava en arrius. Tanben s'an trapat fossils en depaus marins mès son ua auta forma chinesa: Bishanopliosaurus, qu'ei coma Leurospondylus (fossil american) o eth petit leptocleidus.

Eth sòn nom generic Yuzhoupliosaurus hè referència ara familha ara qual apertenh (pliosaures) e ath lòc on siguec trapat; Yzhou, er ancian nom dera vila Changquing (Chunking). Er epitet especific chengjiangensis hè referència tanben a un toponim; Chang Jiang, er aute nom der arriu Yangtze on ei Chunking.

Bibliografia[modificar | modificar la font]

· Zhang, Y (1985). "A new plesiosaur from Middle Jurassic of Sichuan Basin". Vertebrata PalAsiatica 23: 235–240.