Xavier Vinader

Xavier Vinader i Sánchez (Sabadell, Catalonha, 17 de febrièr de 1947 - Barcelona, 9 d'abril de 2015) foguèt un jornalista catalan. Especializat dins l'estudi de l'extrèma drecha, e sos ligams amb las estructuras de poder espanhòlas, e al crim organizat, luchèt veementament tanben per la libertat d'expression.

En 1979, per encausa d'un article publicat dins la revista Interviú que comentava en detalh lo foncionar de grops d'extrèma drecha del País Basc, e l'assassinat posterior per ETA de dos membres d'aquelas organizacions, aguèt de fugir a París per evitar la pena de 7 ans de preson que lo govèrn espanhòl li voliá impausar.

Lo govèrn catalan li autregèt la Crotz de Sant Jòrdi en 2007 per sa trajectòria jornalistica.

Biografia

Xavier Vinader nasquèt a Sabadell en 1947 e anèt a l'escòla dels Claretians de la vila. Estudièt lo jornalisme a l'Escola Oficial de Periodisme que ne sortiguèt diplomat en 1973. Collaborèt puèi al Diari Sabadell, a la Radio Juventud de Sabadell e mai a las revistas localas Can Oriach e TS. Moriguèt a l'edat de 68 ans lo 9 d'abril de 2015 en seguida d'una pneumonia a l'espital de la Vall d'Hebron a Barcelona.

Òbras

Operación lobo: memorias de un infiltrado en ETA (1999)
Quan els obrers van ser els amos (2012)