X-Perience
X-Perience es un grop alemand anglofòn de musica electronica fondat en 1995 a Berlin (Alemanha). Associats a l'eurodance, lor estili musical vària entre synthpop, tècno, dream e trance. Los sòcis del grop son Claudia Uhle (cant, paraulas), son fraire Matthias Uhle (composicion, clavièrs) e Alexander Kaiser (paraulas, clavièrs).
Circles of Love, lor primièr simple, es estat produch per Axel Henninger (qu'aviá ja trabalhat ambe lo grop new wave Camouflage). Aquel tròç Circles of Love es vengut una capitada dins lo canton de Berlin, çò qu'a atirat l'atencion del labèl WEA, qu'a alavetz prepausat un contracte al grop. Es la capitada de lor segond simple, A Neverending Dream, qu'a impausat X-Perience a la fin de l'annada 1996 coma un grop màger de l'eurodance, mai especificament de la scèna dream.
A Neverending Dream es estat représ pel celèbre grop alemand Cascada en 2006.