Wikipèdia en occitan

Un article de Wikipèdia, l'enciclopèdia liura.
Anar a : navigacion, Recercar

La wikipèdia en occitan es la version en lenga occitana de l’enciclopèdia en linha Wikipèdia. Foguèt creada en març de 2003[1] lo 20 d'octobre[2] o en decembre de 2003[3].

Respond a la manca actuala d’aisinas enciclopedicas en occitan. Coma las autras wikipèdias, es enriquesida e bailejada per de contributors benevòls, generalament apelats "editors" o "wikipedistas", enregistrats (amb un nom d'utilizaire) o anonims.


L’administracion (valent a dire la velha contra lo piratatge e los possibles blocatges, e las operacions de supression d’articles) de la wikipèdia en occitan es bailejada per d’utilizaires dels dreches especials donats après una votacion dels utilizaires enregistrats.

La Wikipèdia en occitan utiliza la nòrma classica de l’occitan e n’accèpta las variacions dialectalas d’un biais coerent a l’interior dels articles coma es descrich dins la Carta lingüistica.

La wikipèdia en occitan a pas de politica d’admissibilitat dels articles.[4] Lor existéncia dins una wikipèdia dins una autra lenga, l'interès de l’informacion, e subretot la manca d’autra aisina son los motius principals de creacion d’articles.

Progression[modificar | modificar la font]

Data Nombre
d'articles
Agost de 2016 90 000
Febrièr de 2015 88 000
Octobre de 2013 85 000
Junh de 2013 82 000
Abril de 2013 71 000
Abril de 2013 70 000
Mai de 2012 60 000
30 d'octobre de 2011 50 000
Novembre de 2009 20 000
Octobre de 2007 10 000
Octobre de 2006 5 000
Abril de 2006 2 000
Setembre de 2005 1 000

Estatisticas[modificar | modificar la font]

Qualques chifras[5]:

Estatisticas de la wikipèdia en occitan
(produchas automaticament)
Utilizaires
(actius)
Articles Paginas Administrators
(Burocratas)
28 860
(100)
82 700 137 729 4
(2)

Referéncias[modificar | modificar la font]

  1. Estatisticas sus la wikipèdia en occitan
  2. Segond l’article "Wikipédia en occitan" de la Wikipèdia en francés.
  3. Wikimédia France, La place des langues de France hexagonales dans les projets Wikimedia. Rapport de Wikimédia France - association pour le libre partage de la connaissance pour la Délégation générale à la langue française et aux langues de France, julhet de 2014, en linha sul sit de la DGLFLF, p. 13
  4. Entrevista a Joan Francés Blanc sus A Vòste
  5. Chifras generadas automaticament pel logicial mediawiki.