Wikipèdia:Vandalisme
| Paginas antivandalisme de Wikipèdia |
|---|
|
Definicion del vandalisme |
Qu'es un acte de vandalisme sus Wikipèdia ?
[Modificar lo còdi]Un acte de vandalisme es una contribucion volontàriament facha per comprometre l'integritat del contengut de Wikipèdia. Lo mai sovent, s'agís d'escafament de contengut pertinent, de remplaçament per d'obscenitats, d'insultas, o tot autre contengut inapropriat. Wikipèdia essent liura de modificacion per tot visitor, es doncas particularament expausada a d'actes de vandalisme, en teoria.
L'acte de vandalisme es una violacion de las linhas de conducha de Wikipèdia. Per luchar eficaçament contra lo vandalisme, cal saber cossí l'identificar e cossí reagir. En cas de dobte, se podètz pas o se volètz pas prendre las mesuras que s'impausan, podètz demandar conselh sus Wikipèdia:La Tavèrna o melhor, senhalar un acte de vandalisme sus la pagina Wikipèdia:Vandalisme en cors.
Formas comunament observadas de vandalisme
[Modificar lo còdi]Vaquí qualques exemples de vandalisme observats sus Wikipèdia :
- Lo Spam
- Ajustar de ligams extèrnes sens rapòrt amb lo subjècte dins una optica de promocion.
- Bòt vandal
- Script o "robòt" que vandalisa massissament d'articles, per de spam, de publicitat o de blanquiments de pagina.
- Vandalisme pueril
- Daissar de messatges personals o de grafitis dins un article, ajustar de marridas blagas o d'absurditats d'aparéncia plausibla al contengut d'un article.
- Blanquiment
- Blanquir un article sens o explicar dins la pagina de discussion de l'article o dins lo comentari de modificacion.
- Vandalisme sornarut
- Mens evidenta de detectar, aquela forma de vandalisme se caracteriza per l'insercion d'elements erronèus al dintre d'un article. Per exemple, un remplaçament de data, un ajust o una substitucion d'absurditats que pareisson coerentas.
- Vandalisme provocator
- Ajustar o remplaçar tot o partida d'una pagina personala per d'insultas, d'obscenitats, de calomnia, de derision, etc. (Vejatz tanben Wikipèdia:Pas d'atacs personals).
- Vandalisme grafic
- Importar vèrs Wikipèdia d'imatges provocants, inserir de messatges politics, far de GIFs animats malvolents, etc.
Çò que lo vandalisme es pas
[Modificar lo còdi]Encara que sián de còps qualificats de vandalisme, los exemples citats aicí son pas considerats coma de vandalisme. Quitament se pòdon tanben provocar un escafament o una reversion, deurián pas aver per consequéncia una inscripcion sus la pagina Wikipèdia:Vandalisme en cors.
- Tèst de debutant : Los novèls venguts que descobrisson lo boton "modificar" vòlon saber se pòdon realament modificar lo contengut d'una pagina. Per aquò, escrivon de còps qualques frasas dins un article. Es pas de vandalisme ! De còps anullan d'espereles lors cambiaments. Aquestes utilizaires devon èsser aculhits calorosament e dirigits vèrs lo wikipèdia:Nauc de sabla (pel mejan dels Wikipèdia:Modèls {{AnonimTestaire}} o sa version abreujada {{AnonTest}}) ont poiràn contunhar lors tèsts.
- L'aprendissatge de la Sintaxi de Wikipèdia e de las convencions en vigor : Per cèrts utilizaires, aprendre las balisas Wikipèdia pren un cèrt temps e passaràn un pauc de temps a experimentar los diferents biaisses de far de ligams extèrnes, de ligams intèrnes e los caractèrs especials. Puslèu que de los acusar de vandalisme, val mai lor explicar quina es la convencion en vigor sul subjècte e lor indicar Ajuda:Sintaxi wikipèdia e los autres documents de referéncia.
- Violacions de neutralitat de punt de vista (PdV) : la neutralitat de punt de vista es una linha de conducha que fòrça mond a de dificultats de comprendre ; quitament los veterans pòdon de còps introduire involontàriament de contengut qu'es pas en acòrdi amb la neutralitat de punt de vista. Sèm totes mai o mens eissorbats per nòstras cresenças e aquò es pas de vandalisme. Vejatz tanben : Controvèrsia de neutralitat.
- Contribucions audaciosas : Conselham als contributors d'esitar pas a èsser audaciós dins l'edicion dels articles. Atal, arriba que de Wikipedians fascan de cambiaments radicals per fin de melhorar los articles ; quitament de troçasses de tèxt qu'avètz escriches, levats, desplaçats sus la pagina de discussion, o reescriches. Es pas totjorn agradiu, mas cal pas per aquò assimilar aquestas modificacions a de vandalisme. Aquò dich, lo savi wikipedian tempèra son ardor amb de WikiLove.
- Agarriment o atacs personals : la politica de Wikipèdia es clara : pas d'atacs personals. Agarrir los autres contributors es pas tolerat. Cèrtas formas d'agarriment son clarament de formas de vandalisme, coma lo vandalisme de pagina utilizaire. Çaquelà, d'un biais general, l'agarriment es pas de vandalisme.
- Intimidacion o obstinacion : d'unes arriban pas de s'acordar amb d'autres qu'an pasmens la volontat de dialogar, de sòrta qu'una guèrra d'edicion pòt subrevenir. Pòt arribar qu'un utilizaire s'obstine a refusar tota temptativa de dialòg, e ensage de far passar las temptativas repetidas de dialòg per d'agarriment. Aqueste tipe de compòrtament es deplorable, mas es pas stricto sensu de vandalisme. Vejatz resolucion de conflicte.
- L'inesperat : una manièra de contribuir inabituala o pauc convencionala es pas de vandalisme. Qualqu'un que fa una contribucion solida, amb "Adieu!" coma comentari de modificacion es pas un vandal excentric. Es probable un novèl arribant. Cal pas blanquir o anullar las contribucions d'un tal contributor, ni lo blocar. Es preferible d'aver una discussion amicala a prepaus de l'usatge corrècte dels resumits d'edicion.
- L'ortografia : l'utilizaire que, cresent de plan far, modifica l'ortografia d'un mot alara qu'aqueste èra corrècte pòt pas èsser considerat coma un vandal.
- L'error : quitament s'es irrefleccionat, premarc o pauc judiciós, tot esfòrç, de bona fe, per melhorar l'enciclopèdia, es pas de vandalisme. Tota contribucion que causa pas un prejudici clar e indiscutible es pas considerada coma de vandalisme.
- La supression de paragrafs contenent d'informacions sensiblas sens fonts : los articles (particularament de biografias) pòdon conténer temporàriament d'elements sens fonts. Aquestes elements son considerats coma en espèra de fonts fisablas. Çaquelà, tot contributor, quitament non inscrich, a drech de los levar.
Estatisticas suls vandals
[Modificar lo còdi]- Estatisticas suls vandals per adreças IP
- Estatisticas suls vandals per fornisseires d'accès
- Estatisticas suls vandals per país
Vejatz tanben
[Modificar lo còdi]- Wikipèdia:Vandalisme en cors - per senhalar un acte de vandalisme
- Wikipèdia:Qué far en cas de vandalisme - per la marcha de seguir fàcia a de vandalisme
- Wikipèdia:Planh al FAI