Wikipèdia:Lista dels articles non neutres/Gascon

Aquò que tòca l'article gascon. Que's pòt liéger tanben la pagina Discutir:Gascon entà aver ua idèa deus problèmas. Las mancas de neutralitat que son nombrosas e que vienen, subertot, de las contribucions de "Joan.peiroton":

Que's hica dens l'introduccion ua referéncia a l'Institut Biarnés e Gascon, un grop que hè secessionisme lingüistic e qu'ei ultraminoritari dens lo movement culturau gascon. Per contra n'i a pas nada referéncia a organismes mei representatius coma l'IEO, l'Institut Occitan, lo CLO, l'AIEO, etc.
Que's presenta las posicions deus grans lingüistas Jacme Alhèras e Pèire Bèc d'ua manèra faussa e enganadera, coma s'agossen resèrvas suber l'occitanitat deu gascon, mentre qu'en realitat an tostemps ahortit l'occitanitat deu gascon.
Que's presenta un sarròt de trèits lingüistics deu gascon coma s'estossen exclusius deu gascon mentre qu'existeishen tanben en d'autas varietats d'occitan. Que's crèa ua dicotomia faussa entre "gascon" e "occitan non gascon" que non correspon pas a las descripcions dialectologicas e gramaticalas seriosas suber lo gascon (e l'occitan en generau). Per exemple, l'usatge deu subjontiu en lòc deu futur dens ua proposicion subordenada non ei pas exclusiu au gascon...
Que's hè afirmacions completament faussas e subjectivas suber lo procès de codificacion, dab jutjaments de valor tocant lo trabalh deu CLO e un pes excessiu acordat a las propòstas de reforma ultraminoritàrias de l'Institut Bearnés e Gascon que demòran quasi sens impacte dens l'usatge.
Que's hica un sarròt d'afirmacions sens honts.--Nil Blau (d) 6 julhet de 2009 a 10.03 (UTC)[respon]