Wikipèdia:Comitat d'arbitratge (règlament)
| Arbitratges |
| Règlament |
| Pagina d'ajuda |
| Lexic |
| Daissar un messatge |
| Arbitres |
| Coordinacion |
| Ajuda-memòria |
| Règlament interior |
| Seguit de las decisions |
| Amicala dels arbitres |
Prerequistes
[Modificar lo còdi]I a 4 arbitres. Son elegits per un an, renovelable. Son renovelats per mitat cada 6 meses.
Règlament
[Modificar lo còdi]Article 1 : conflictes tractats
[Modificar lo còdi]Lo comitat d'arbitratge s'ocupa pas de cap de conflicte abans qu'una demanda d'arbitratge li siá estada adreçada segon la procedura descricha a l'article 3. Las demandas d'arbitratge se pòdon far a tot moment sens condicion, exceptat se lo conflicte ja es en fasa d'arbitratge.
Article 2 : demandaire
[Modificar lo còdi]Tot utilizaire pòt far una demanda d'arbitratge del moment que dispausa d'un compte enregistrat.
Article 3 : requèstas d'arbitratge
[Modificar lo còdi]Las demandas d'arbitratge son fachas sus la pagina Wikipèdia:Comitat d'arbitratge/Arbitrage#Requèstas d'arbitratge. La requèsta resulta de l'inscripcion sus aquesta pagina d'un ligam que remanda cap a una pagina d'arbitratge, construcha sul modèl [[Wikipèdia:Comitat d'arbitratge/Arbitrage/nom del planhent-nom del mes en causa]]. La plencha es inserida dins aquesta pagina d'arbitratge e compòrta obligatòriament un resumit del problèma e l'expausat de las pròvas, especialament jos forma de ligams URL.
Article 4 : tractament de las demandas
[Modificar lo còdi]Article 4 alinèa 1 : mediacion
[Modificar lo còdi]Los arbitres decidisson entre eles a la majoritat s'es necessari de balhar seguida a la demanda d'arbitratge o de la regetar sens examen. La decision es acompanhada se fa mestièr de conselhs en vista de pervenir a una conciliacion o a una mediacion. Per aquò far, los arbitres pòdon aviar un ampèl public a un mediator volontari e fixar las condicions de la mediacion. Se, ulteriorament, un comitat de mediacion èra creat, los arbitres lo poirián sasir d'ofici de la plencha en question.
Article 4 alinèa 2 : classament sens seguidas
[Modificar lo còdi]Los arbitres que decidisson de balhar pas de seguida a una demanda d'arbitratge i pòdon respondre aprèp un examen rapid en declarant qu'i a pas luòc a sancion compte tengut dels elements expausats.
Article 4 alinèa 3 : recevabilitat e coordinator
[Modificar lo còdi]Dins los autres cases, los arbitres declarant que l'arbitratge es dobèrt sus l'afar en question. Dins lo cas que los arbitres se son pas prononciats sus la receptibilitat d'una demanda dins los quinze jorns de sa data d'inscripcion, la demanda es reputada receptibla.
Un arbitre es designat coma "coordinator" de l'arbitratge, per rotlament dins l'òrdre alfabetic, levat s'es pas sufisentament disponible a aquel moment.
Article 4 alinèa 4 : Nombre d'arbitres que tractan un arbitratge "receptible"
[Modificar lo còdi]Per las demandas d’arbitratge receptiblas, lo nombre e la lista dels arbitres que tractan aquelas demandas son daissats a l’iniciativa del comitat d’arbitratge.
Article 5 : non participacion d'un arbitre
[Modificar lo còdi]Article 5 alinèa 1 : abstencion
[Modificar lo còdi]Tot arbitre implicat dins un conflicte somés al comitat d'arbitratge se deu abstenir de participar a aqueste arbitratge e mai a la demanda de receptibilitat (article 4, alinèa 1). L'implicacion d'un arbitre s'aprecia en conformitat amb l'article 13 çaijós e resulta pas ipso facto de sa sola contribucion a l'elaboracion d'un article enciclopedic e prepaus del qual es nascut lo conflicte.
Article 5 alinèa 2 : recusacion
[Modificar lo còdi]Fins a una setmana aprèp la darrièra modificacion de la lista dels arbitres participants, cada partida pòt recusar un arbitre e un sol (per afar), sens motivar sa decision formulada sus la pagina d'arbitratge, es pas necessari de discutir aquesta decision. L'arbitre recusat es remplaçat per un autre arbitre e pòt pas pus participar a l’afar ; sos vòtes eventuals, e mai lors efièches, son anullats.
Article 6 : desenrotlament de l'arbitratge
[Modificar lo còdi]En cas d'urgéncia, se la requèsta es estada declarada receptibla, l'arbitre coordinator de l'afar pòt èsser sasit per una o l'autra de las partidas per prendre totas mesuras temporàrias e conservatòrias de natura siá a permetre lo desenrotlament seren de la procedura d'arbitratge, siá a permetre d'empachar una de las partidas d'agravar lo prejudici que li es reprochat. Aquelas mesuras pòdon en particular consistir en una interdiccion d'edicion parciala o completa d'una partida per un periòde de 5 jorns maximum, renovelable. Dins lo cas d'un blocatge complet, una adreça email deu èsser dobèrta e comunicada per permetre a la persona mesa en causa de se defendre.
Los arbitres examinan çò reprochat e las pròvas del planhent. Sollicitan las explicacions e defensas del mes en causa, e mai sos mejans de pròvas. L'ensemble d'aquestes mejans, explicacions e pròvas figuran sus la pagina d'arbitratge [[Wikipèdia:Comitat d'arbitratge/Arbitrage/nom del planhent-nom del més en causa]]. Quand los arbitres considèran que son sufisentament esclairats sul conflicte e que dispausan dels elements de pròva necessaris, declaran l'afar mes en deliberat. Cap d'explicacion suplementària ni mejan de pròva novèl es pas receptible a partir d'aquel moment.
Çaquelà, s'un element favorable o desfavorable es aportat a la fin del periòde d'instruccion (apòrt de las pròvas), la partida opausada pòt demandar una sosta suplementària per respondre a aquel punt precis, per evitar que las aparéncias joguen un ròtle desfavorable.
Article 7 : clausura
[Modificar lo còdi]La decision dels arbitres deu èsser motivada per explicar lo sens de l'arbitratge. Aquesta decision es transcricha sus la pagina d'arbitratge e l'afar declarat claus.
Article 8 : decision
[Modificar lo còdi]Article 8 alinèa 1 : aplicacion de la decision
[Modificar lo còdi]La decision dels arbitres s'impausa als utilizaires partidas a l'arbitratge. Tot contributor pòt formar una demanda novèla d'arbitratge en cas de violacion manifèsta de la decision arbitrala. Los administators requerits (sysops) pòdon pas refusar lor concors s'aqueste es necessari a la mesa en òbra tecnica de la decision. Dins l'ipotèsi qu'un arbitre tanben es sysop, pòt pas el meteis prendre las disposicions utilas.
Article 8 alinèa 2 : identificacion
[Modificar lo còdi]Lo comitat d'arbitratge pòt requerir l'ajuda dels administrators dels servidors per procedir a l'identificacion de totas las partidas prenentas d'aprèp lor IP. Aquesta mesura a per tòca d'evitar las confusions degudas a l'utilizacion de mantun nom d'utilizaire per cèrtas personas.
Article 9 : eleccions
[Modificar lo còdi]Tot utilizaire enregistrat pòt depausar sa candidatura al comitat d'arbitratge. Sols los utilizaires enregistrats que dispausan d'un compte dempuèi mai d'un mes e qu'an efectuat mai de 50 contribucions dins l'espaci enciclopedic a la dobertura de l'escrutinh dispausan del drech de vòte.
Seràn elegits los candidats arbitres qu'auràn reculhit [estrictament] mai dels dos tèrces de vòtes favorables e qu'auràn amassat almens 5 vòtes [favorables]. S'aquò abotís a un nombre d'arbitres superior a 5, seràn retenguts los 5 primièrs noms qu'an recebut lo màger nombre de vòtes favorables. En cas d'egalitat en nombre de voses favorables, son elegits los candidats qu'an recebut lo mens de vòtes desfavorables.
Article 9-1 : remplaçament
[Modificar lo còdi]En cas de despart d'un arbitre del comitat es lo candidat pas encara designat arbitre qu'a obtengut lo mai de voses favorablas al moment de l'eleccion ordinària o parciala pus recenta que remplaça lo partent, a condicion çaquelà qu'aja obtengut estrictament mai dels dos tèrces de vòtes favorables e acampat almens 6 vòtes favorables. En cas d'egalitat en nombre de voses favorables, es causit lo candidat qu'a recebut lo mens de vòtes desfavorables. Se cap de candidat de l'eleccion ordinària o parciala mai recenta complís pas aquestas condicions, una eleccion parciala es organizada. Lo mandat del remplaçant s'acaba a la data de fin de mandat inicialament prevista pel partent.
Article 10 : principis
[Modificar lo còdi]Los arbitres pòdon tanben s'inspirar dels grands principis del drech. En particular, s'asseguran que los afars son entenduts equitablament e dins una sosta rasonabla. Verifican que lo mes en causa a dispausat del temps necessari per presentar sos arguments, especialament en regard amb los ritmes abituals de contribucion de l'interessat.
Article 11 : proteccion d'article
[Modificar lo còdi]Pendent la durada de l'arbitratge (a partir de l'acceptacion oficiala de l'arbitratge), los arbitres son autorizats a protegir lo o los articles suls quals los editors son en conflicte.
Article 12 : litigis individuals
[Modificar lo còdi]Los arbitres decidisson pels litigis individuals sens edictar de règlas de compòrtament aplicadoiras sul sit, aquesta demarcha que depend de la comunautat del sit. Se los arbitres se referisson als motius o a la solucion d'una decision arbitrala passada, devon explicar en qué l'afar que lor es somés es similar o comparable.
Article 13 : règlas de basa
[Modificar lo còdi]Los arbitres decidisson sus la basa de las règlas adoptadas per la comunautat e en particular de :
- Wikipedia:Règlas
- Wikipedia:Règlas de nomenatge
- Wikipedia:Convencions tipograficas
- Wikipedia:Neutralitat de punt de vista
- Wikipedia:Los falses passes mai corrents
- Wikipedia:Tojorn comentar vòs modificacions dins la boita de resumit
- Wikipèdia:Çò que Wikipèdia es pas
- Wikipèdia:Règlas de saber-viure
- Wikipèdia:Esperit de non violéncia
- Wikipèdia:Règlas d'utilizacion dels imatges
Article 14 : solucion equitabla
[Modificar lo còdi]Dins totes los cases, los arbitres devon recercar una solucion equitabla al conflicte. Quitament fàcia a de violacions caracterizadas de las règlas de la comunautat, pòdon decidir qu'i a pas luòc de prononciar una sancion en se fondant sus de motius d'equitat, qu'explican alara.
Article 15 : sancion
[Modificar lo còdi]Los arbitres decidisson liurament de la sancion aplicabla, se fa mestièr. Son pas tenguts de prononciar una exclusion, ni d'interdire de facultats d'edicion, mas pòdon causir dins totes los cases de prepausar a l'utilizaire sancionat de complir cèrts prètzfaches d'interès general o de prononciar un avertiment amb una sosta d'espròva simpla per una durada que determinan.
- Vejatz tanben : Wikipèdia:Punicion.
Article 16 : sancions possiblas
[Modificar lo còdi]Las decisions presas pel comitat d'arbitratge pòdon consistir en :
- blocatge temporari o fòrabandiment
- restriccion d'edicion sus cèrts articles
- avertiment amb o sens sosta d'espròva
Article 17 : competéncia especifica a prepaus dels administrators
[Modificar lo còdi]Lo desysopatge, temporari o permanent, fa partida de las sancions que pòt impausar lo comitat d'arbitratge a un administrator. "Permanent" vòl dire que l'utilizaire deu tornar passar per un vòte de la comunautat per tornar trobar son estatut.