Wii
La Wii es una consòla de videojòcs domestica de Nintendo. Foguèt lançada en l'America del Nòrd lo 19 de novembre de 2006 e arribèt en Euròpa lo 8 de decembre.[1][2]
Fa partida de la setena generacion de consòlas e competiguèt amb la PlayStation 3 de Sony e l'Xbox 360 de Microsoft. Popularizèt los contraròtles de movement amb lo Wii Remote e se centrèt mai suls jòcs casuals. Vendèt mai de 101 milions d'unitats; venguèt la consòla domestica Nintendo mai venduda fins que foguèt subrepassada per la Nintendo Switch.[3]
Es la successora de la Nintendo GameCube; n'admet tanben los jòcs amb la retrocompatibilitat. La consòla foguèt seguida per la Wii U en 2012.
Nom
[modificar | Modificar lo còdi]Abans que se causiguèsse lo nom final, la consòla èra coneguda coma "Revolution". Foguèt renomenada a "Wii" perque èra mai aisit de remembrar e de prononciar dins las diferentas lengas.[4]
Segon la guida d'estil de Nintendo, lo nom n'es "Wii" e pas "*Nintendo Wii". En mai, las letras "i" son totjorn escrichas en minusculas e lo plural es pas "*Wiis", puslèu "consòlas Wii".[4][5]
Lançament
[modificar | Modificar lo còdi]La Wii foguèt lançada en l'America del Nòrd lo 19 de novembre de 2006.[1] Arribèt en Japon lo 2 de decembre e en Euròpa lo 8 de decembre.[6][2] La version sud-coreana de la consòla foguèt lançada lo 26 d'abril de 2008.[7] Una version especiala de la consòla japonesa per Taiwan i foguèt lançada lo 12 de julhet de 2008; arribariá oficialament a Hong Kong lo 12 de decembre de 2009.[8][9] Una version per la China Populara èra en desvolopament per iQue mas foguèt pas lançada a causa de l'interdiccion de las consòlas de videojòcs a l'epòca dins lo país.[10]
I a doas variantas posterioras de la consòla: la Wii "Family Edition" e la Wii mini.
Contrarotlaires
[modificar | Modificar lo còdi]
Lo contrarotlaire principal de la Wii es lo Wii Remote. A la forma d'una telecomanda e inclutz la deteccion de movement, en mai d'un sensor infraroge que permet als jogaires de lo puntar cap a una barra situada jos (o sus) lo televisor per seleccionar las opcions de l'ecran.[11][12]
Nombroses accessòris pòdon èsser aponduts al Wii Remote en los connectant al pòrt a la partida inferiora de la telecomanda, dont los mai comuns son lo Nunchuk, un contrarotlaire suplementari, e l'accessòri Wii MotionPlus, que permet una deteccion del movement mai precisa e que es requerit per qualques jòcs coma Wii Sports Resort.[12][13][14] I a tanben d'autres accessòris que se connectan pas al Wii Remote, coma la Wii Balance Board, utilizada per Wii Fit e Wii Fit Plus.[15]
Fòrça dels contrarotlaires e accessòris de la Wii son utilizats tanben per la Wii U.
Jòcs
[modificar | Modificar lo còdi]Sièis jòcs Wii son dins la lista dels 30 videojòcs mai venduts de l'istòria: Wii Sports (82.900.000 unitats), Wii Fit e Wii Fit Plus (43.800.000 unitats), Mario Kart Wii (37.380.000 unitats), Wii Sports Resort (33.140.000 unitats), New Super Mario Bros. Wii (30.320.000 unitats) e Wii Play (28.020.000 unitats).[16]
Referéncies
[modificar | Modificar lo còdi]- ↑ 1,0 et 1,1 Sanders, Kathleen; Casamassina, Matt. "US Wii price, launch date revealed". IGN. 13 de setembre de 2006.
- ↑ 2,0 et 2,1 Cocker, Guy. "Wii arrives in Europe on December 8 for £179". GameSpot. 15 de setembre de 2006.
- ↑ Ashcraft, Brian. "The Nintendo Switch Has Now Surpassed The Wii In Sales". Kotaku. 3 de febrièr de 2022.
- ↑ 4,0 et 4,1 Carless, Simon. "Breaking: Nintendo Announces New Revolution Name – 'Wii'". Gamasutra. 27 d'abril de 2006.
- ↑ "The plural of Wii". GoNintendo. 25 d'octòbre de 2006.
- ↑ Sanders, Kathleen. "Japanese Wii price, release date revealed". IGN. 13 de setembre de 2006.
- ↑ "Wii launches in South Korea on April 26 with even cheaper virtual console games". Siliconera. 14 d'abril de 2008.
- ↑ Martin, Matt. "Wii to release in Taiwan, July 12". GamesIndustry.biz. 26 de junh de 2008.
- ↑ "Ｗｉｉ主機". Nintendo. 6 de març de 2010.
- ↑ "《记录》第17期：神游中国（下） - 触乐". Chuapp.
- ↑ Marriott, Michael. "At the heart of the Wii, micron-size machines". The New York Times. 21 de decembre de 2006.
- ↑ 12,0 et 12,1 Turner, Daniel. "Hack: the Nintendo Wii". MIT Technology Review. 1èr de julhet de 2007.
- ↑ Wales, Matt. "Reports claim Wii to slap down 16 at launch". Computer and Video Games. 22 de mai de 2006.
- ↑ Secthal, Seth. "A digital camp for antsy athletes". The New York Times. 24 de julhet de 2009.
- ↑ "E3 2007: Shigeru Miyamoto video interview." IGN. 12 de julhet de 2007.
- ↑ "Sales Data – Top Selling Title Sales Units – Wii Software". Nintendo. 31 de març de 2022.