Wii U
La Wii U es una consòla de videojòcs domestica de Nintendo. Foguèt lançada en l'America del Nòrd lo 18 de novembre de 2012; arribèt en Euròpa lo 30 del meteis mes.[1][2]
Successora de la Wii e destinada als jogaires mai experimentats,[3] la Wii U comencèt la ochena generacion de consòlas e competiriá amb la PlayStation 4 de Sony e l'Xbox One de Microsoft.[4] Ne foguèron vendudas 13,56 milions d'unitats e foguèt seguida per la Nintendo Switch en 2017.[5]
Caracteristicas
[modificar | Modificar lo còdi]Contrarotlaires
[modificar | Modificar lo còdi]
Lo contrarotlaire principal de la Wii U es lo Wii U GamePad. La caracteristica principala n'es un ecran tactil qu'es utilizat pels jòcs coma acompanhament de l'ecran del televisor.[6] Lo Wii U GamePad admet la comunicacion de camp pròche; permet d'utilizar de cartas de crèdit qu'utilizan aquesta foncionalitat e tanben de figuretas coma los amiibo.[7]
La Wii U es tanben compatibla amb los contrarotlaires e accessòris de la Wii, dont lo Wii Remote. Pòdon èsser utilizats amb de jòcs Wii e Wii U que los admeton; en fach, son necessaris per jogar a qualques jòcs Wii U, coma Wii Sports Club.
Retrocompatibilitat
[modificar | Modificar lo còdi]La Wii U es compatibla amb los jòcs Wii. Pòdon èsser jogats dempuèi la foncionalitat Wii Menu, que reavia la consòla dins un mòde Wii limitat. Los jòcs Wii pòdon pas èsser contrarotlats amb lo Wii U GamePad. Lo mòde Wii es pas compatible amb fòrça foncionalitats, coma lo Photo Channel, WiiConnect24, l'enviament de messatges o los jòcs GameCube. Pasmens, qualques modificacions creadas per la comunautat reactivan aquestas foncionalitats.[8][9]
Una aplicacion lançada per Nintendo permet lo transferiment de las donadas d'una Wii a una Wii U, a l'excepcion d'aquelas ligadas a las foncionalitats çai sus.[10][11]
Grafics
[modificar | Modificar lo còdi]La Wii U permet de grafics fins a 1080p amb HDMI. Foguèt la primièra consòla Nintendo a èsser compatibla amb de grafics HD.[3][12] Los jòcs Wii son afichats dins lor resolucion estandard originala.
Foncionalitats en linha
[modificar | Modificar lo còdi]La Wii U utiliza la plataforma Nintendo Network pel servici en linha, tanben utilizada per la Nintendo 3DS. Los servicis ofèrts per la plataforma permeton als utilizaires fòrça opcions a travèrs Internet, coma jogar a de jòcs en linha, telecargar e crompar d'aplicacions e de jòcs sus Nintendo eShop o far de trucadas vidèo amb lors amics sus Wii U Chat.[13]
De mai, la consòla introdusiguèt lo servici Miiverse, una ret sociala que permetiá als jogaires d'interagir dins de comunautats en basa sus cada jòc. Se poiriá compartir de capturas d'ecran e de nòtas o de dessenhs manuscriches. Qualques jòcs avián d'integracions amb Miiverse e mostravan de publicacions d'autres jogaires dins lo jòc.[14]
La Wii U a tanben un navegador web.[14]
La màger part dels servicis en linha son ara indisponibles. Los servicis de Wii U Chat e de Miiverse foguèron barrats lo 8 de novembre de 2017.[15][16] La botiga Nintendo eShop foguèt barrada mai tard lo 27 de març de 2023.[17] Fin finala, lo servici multijogaire en linha de Nintendo Network foguèt barrat lo 9 d'abril de 2024.[18]
Jòcs
[modificar | Modificar lo còdi]Los jòcs Wii U èran venduts en dos formats: fisicament, o digitalament a travèrs Nintendo eShop (aqueste darrièr es ara indisponible). Los jòcs fisics utilizan de discs optics similars als Blu-ray.[19]Los jòcs mai venduts ne son Mario Kart 8, Super Mario 3D World e New Super Mario Bros. U. D'autres jòcs importants de Nintendo son Super Smash Bros. per Wii U, Super Mario Maker e Splatoon; aqueste darrièr comencèt una de las franquicias mai popularas de l'entrepresa.[20]
Nòtas e referéncias
[modificar | Modificar lo còdi]- ↑ Pham, Alex. "Nintendo's Wii U to go on sale Nov. 18 for $299.99 and $349.99". Los Angeles Times. 13 de setembre de 2012.
- ↑ "Wii U to launch in Europe with 24 games available on launch day". Nintendo.
- ↑ 3,0 et 3,1 Wolverton, Troy. "Mercury News interview: Satoru Iwata, Nintendo president". Mercury News. 5 de julhet de 2011.
- ↑ "Nintendo's Project Cafe: Will Gamers Feel The Buzz?". Business Insider. 27 de mai de 2011.
- ↑ "IR Information : Sales Data – Hardware and Software Sales Units". Nintendo Co., Ltd.
- ↑ "Nintendo Unveils Wii U, Controller With Built-In 6.2" Touchscreen". Gamasutra. 3 de junh de 2012.
- ↑ LeJacq, Yannick. "How Nintendo's Amiibo Toys Will Work In Smash Bros. And Beyond". Kotaku. 10 de junh de 2014.
- ↑ Bogos, Steven. "Wii U Mod Allows Gamecube Games to Be Played". The Escapist. 13 de març de 2014.
- ↑ "Guide (Wii U Installation)". WiiLink.
- ↑ Kohler, Chris. "Wii U Coming to Japan December 8 In Two Configurations". Wired. 12 de setembre de 2012.
- ↑ "Data that can be moved from Wii to Wii U". Nintendo.
- ↑ "Wii U Technical Specs". Nintendo.
- ↑ "Nintendo Wii U Adds Video Chat". InformationWeek. 19 de novembre de 2012.
- ↑ 14,0 et 14,1 "Wii U's online gaming and 'Miiverse' outlined, including video chat and web client". The Verge. 3 de junh de 2012.
- ↑ "Wii U Chat Will Be Ending On December 27th". My Nintendo News. 29 d'agost de 2017.
- ↑ Foxx, Chris. "Nintendo to close Miiverse social network". BBC News. 29 d'agost de 2017.
- ↑ Faulkner, Cameron. "Nintendo will close the Wii U and 3DS eShops on March 27th, 2023". The Verge. 19 de julhet de 2022.
- ↑ Serin, Kaan. "A month after Nintendo killed 3DS and Wii U servers, eight final players beat a 14-year-old record held by Halo 2 superfans". gamesradar. 5 de mai de 2024.
- ↑ Totilo, Stephen. "Wii U Discs Will Be 25GB In Size". Kotaku. 8 de junh de 2011.
- ↑ "IR Information: Sales Data". Nintendo Co., Ltd.