Sigourney Weaver

Susan Alexandra Weaver, mai coneguda coma Sigourney Weaver (Manhattan, Nòva York, 8 d'octobre de 1949) es una actritz americana. Accediguèt a la celebritat en 1979 per son ròtle d'Ellen Ripley dins lo long metratge de Ridley Scott, Alien. En 1986, la seguida Aliens realizada per James Cameron coneguèt un succès comercial e li valguèt una nominacion per l'Oscar de la melhora actritz. Aguèt doas autres nominacions per la melhora actritz, en 1988 per la comedia de Mike Nichols Working Girl e en 1989 per Gorillas dins la nebla de Michael Apted, que i incarnèt lo ròtle de la zoologista Dian Fossey.,