Victor Frankenstein

Un article de Wikipèdia, l'enciclopèdia liura.
Sauter à la navigation Sauter à la recherche
Pagina d'ajuda sus l'omonimia Pels articles omonims, vejatz Frankenstein.


Victor Frankenstein

Personatge de Frankenstein o lo Prometèu modèrne
EspèciaUman
Activitat(s)Mètge
CaracteristicaCerca a crear la vida
FamilhaAlphonse Frankenstein (paire)

Caroline Beaufort (maire)
Ernest Frankenstein (fellen)
Gerhardt Frankenstein (pichon fraire)
William Frankenstein (pichon fraire)

Elizabeth Lavenza (esposa)
Creat perMary Shelley
Filme(s)Frankenstein (1931)
Frankenstein s'escapèt
Frankenstein (1994)
Roman(s)Frankenstein o lo Prometèu modèrne
Seria(s)Penny Dreadful

Victor Frankenstein es un personatge de ficcion aparegut pel primièr còp dins lo roman Frankenstein o lo Prometèu modèrne de Mary Shelley en 1818.

Biografia fictiva[modificar | modificar la font]

Victor Frankenstein es originari de Cologny, dins lo canton de Genèva. Pendent sos estudis, fa de recercas que lo menan a crear la vida: una creatura sens nom facha de troces de cadavres umans e animals e de vejaire repugnant. La creatura e lo creator entretendràn una relacion amor/òdi, desvelopat al fil del roman e de las adaptacions cinematograficas.

Descripcion[modificar | modificar la font]

Fisic[modificar | modificar la font]

A l'origina, Victor Frankenstein sembla èsser être un jovent gaireben estranh, recebent pas de descripcion fisica particulara, es imaginat pel lector.

Quand lo capitani R. Walton reculhís Frankenstein sus sa nau, lo descriu coma un « èsser fòrt curiós: sos uèis an abitualament una expression fòraviada, quitament un aire de baujum, mas a de moments, que s'ocupa d'el o que se li dona lo mai pichon servici, tota sa fisionomia sembla s'enlusir d'un rai de bontat e de doçor que jamai ai encontrat per un èsser uman. »

D'en primièr presentat coma un bèl jovent aristocrata dins las adaptacions visualas, al fil dels ans dins d'omenatges e parodias, serà presentat mai sovent coma un vièlh òme calvet o de pèls blancs en batalha, se conformant a l'estereotipe del sabent baug al que contribuiguèt.

Personalitat[modificar | modificar la font]

Dins lo roman original de Mary Shelley, Victor Frankenstein es un jovent sensible, afogat de sciéncia que se met al cap de voler saber d'ont veniá « la quita esséncia de la vida » e crea una creatura òrre que lo fa fàstic. Creatura que, rebutada, cai dins l'asir e causa la mòrt e desesper per venjança, e Victor sentís de remòrds e ància quand endevina la culpabilitat de sa creacion. Pasmens acabarà d'esperel a virar cap a l'òdi e la venjança quand lo mostre li prendrà en mai son melhor amic sa promesa, lo percaçant per tèrra e mars, mas sens que le desnosament daisse una de las doas partidas ganhanta.

Lo cinèma e la fòrças adaptacions del roman (sens comptar los omenatges, parodias, etc) contribuiguèron a desformar plan forçament la personalitat del doctor Frankenstein. Se, dins lo Frankenstein de James Whale (1931), lo sabent apareis encara coma un personatge puslèu positiu, d'adaptacions seguentas fan del l'arquetipe del sabent baug, lo presentant coma un megalomana, que vòl jogar a Dieu, veire conquerir lo mond. Dins la seriá de films britanics produchs per la Hammer entre 1957 e 1974, Frankenstein (incarnat plen sovent per Peter Cushing, lo personatge essent pas mai un jovent mas un òme d'edat) es presentat coma un sabent crudèl e sens escrupuls que, al fil dels longs-mestratges, ne ven a cometre de crimes per realizar sas experiéncias. Las versions de la Hammer fan sistematicament de Frankenstein un personatge negatiu, o al minim inquietant: dins Las Orrors de Frankenstein, lo sabent, incarnat aqueste còp per Ralph Bates, torna en òme jove sens èsser pas per tant mai simpatic.

D'autras adaptacions s'apròchan al contrari de la version literària d'origina, tornant Victor Frankenstein en un personatge mai positiu, aquesta d'un sabent jove e afogat mas despassat per sa creacion: es lo cas del telefilm Frankenstein: The True Story (1973), del Frankenstein de Kenneth Branagh (1994) o de Doctor Frankenstein (2015).

Familha[modificar | modificar la font]

Las diferentas adaptacions cinematograficas li donan tres filhs, Victor Junior[1], Wolf e Ludwig Frankenstein, e un fellen, Frederick, que permetran, entre autres, a la creatura de li subreviure sus la tela.

Creacion del personatge[modificar | modificar la font]

Al sègle XVIII, se vei una importanta progression dins las sciéncias e subretot dins la medecina. Amb la descobèrta de l'electricitat, los mètges de l'epòca començon alara a practicar d'experiéncias electricas sus l'òme (gaireben totas las experiéncias son fachas sus de cadavres). Alessandro Volta, fisician italian, conegut per sas òbras sus l'electricitat e l'invencion de la primièra pila electrica mòstra que d'estimulacions electricas en cadena provòca la contraccion de contunh dels muscles. De novèlas terapias coma l'electrochòc començan. Totas aquestes novelums pivelan a l'epòca e donc per l'imaginari se desvelopa l'imatge del mètge sens d'alma, l'idèa del mostre dins las sciéncias ficcions (Doctor Frankenstein).

Frankenstein es lo nom d'una dinastia de senhers de Breuberg, barons e vescomtes del Sant Empèri roman germanic.

Nòtas e referéncias[modificar | modificar la font]

  1. Les Horreurs de Frankenstein (Horror Of Frankenstein, Jimmy Sangster, 1970).