Vicent Partal
Vicent Partal (Bétera, País Valencian, 28 de novembre de 1960) es un jornalista valencian. Aqueste activista, dels mai influents dels Païses Catalans, es dempuèi qualques annadas lo director de VilaWeb que ne foguèt un dels creadors. Partal trabalhèt abans a la revista El Temps d'Eliseu Climent, que ne foguèt cofondador, e als jornals Diari de Barcelona, El Punt e La Vanguardia. Passèt tanben per la television (TVE) e Catalunya Ràdio.
Se considèra qu'es un dels pionièrs d'Internet dels Païses Catalans. Dempuèi junh de 2016 es lo president de Centre de Jornalisme Europèu que n'èra anteriorament lo vicepresident.
Biografia[modificar | Modificar lo còdi]
En 1994 farguèt lo primièr sistèma informatiu dins Internet dels Païses Catalans, e a mai d'Espanha que se sonava El Temps Online.
En 1995 creèt la societat Partal, Maresma & Associats qu'a per tòca de porgir de conselhs e d'assisténcia sus l'emplec d'Internet e de ne facilitar l'accès. N'espeliguèt puèi l'Infopista catalana que, en 1996 venguèt Vilaweb, la revista electronica de nòvas mai importantas en catalan, que ten mai de cinquanta edicions dins tot lo mond.
Òbras[modificar | Modificar lo còdi]
- Catalunya en l'estratègia militar d'Occident (1987)
- Els nacionalistes a l'URSS (1988)
- La revolta nacionalista a l'URSS (1991)
- Atles de l'Europa futura (1991)
- Converses sobre els origens d'internet a Catalunya (2000)
- Catalunya 3.0 (2001)
- 11-M: El periodisme en crisi (2004), amb lo jornalista basc Martxelo Otamendi
- Periodisme quàntic. Fent periodisme a Internet. L'experiència dels primers deu anys de VilaWeb (2007)
- Llibreta de Pequín (2009)
- A un pam de la independència (2013)
- Desclassificat: 9-N (2015)
De veire tanben[modificar | Modificar lo còdi]
- Vicent Partal dins la galariá de Pioners de la xarxa
- Vilaweb